Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија.
Макрон додаде дека го дискутирал ова прашање со претседателката на Европската комисија, Урсула фон дер Лајен. Истоврмено, тој истакнува дека верува во можноста за мирно регулирање на трговскиот спор со Кина.
За време на посетата на Кина претходно седмицава, Макрон ги повика тамошните власти да ја зајакнат соработката во врска со „неодржливите“ глобални трговски нерамнотежи, геополитиката и животната средина.
„Се обидов да им објаснам на Кинезите дека нивниот трговски суфицит е неодржлив затоа што ги уништуваат сопствените клиенти, особено затоа што веќе не увезуваат многу од нас“, рече Макрон во интервју објавено во францускиот весник Les Echos во неделата.
„Им реков (на Кинезите) дека ако не реагираат, тогаш ние, Европејците, ќе бидеме принудени во наредните месеци да преземеме остри мерки и да ја прекинеме соработката по примерот на САД – на пример, да воведеме царини за кинеските стоки“, вели француискиот претседател.
Трговскиот дефицит на ЕУ со Кина порасна за речиси 60 отсто од 2019 година.
Макрон во минатото промовираше силен европски фронт против Кина, повикувајќи го Брисел да спроведе протекционистички противмерки за да го забави увозот на кинески стоки што негативно влијаат на европската индустрија.
Францускиот претседател, исто така, ги повика кинеските компании да инвестираат во Европа и да „создадат вредност и можности за Европа“.
Дополнително, францускиот претседател предлага заемно отфрлање на „агресивната политика“: ограничена на извоз на полупроводничка опрема од Брисел и ретки земни метали од Пекинг. Исто така, ги повук кинеските компании да инвестираат во Европа.
Слични новости
Замир постави нова граница со Појасот Газа
Началникот на Генералштабот на израелската армија, Ејал Замир, изјави дека линијата до која се повлекоа израелските сили сега е новата граница меѓу Израел и палестинските територии
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје