Францускиот претседател Емануел Макрон ќе ги собере претставниците на „големите европски земји“ во понеделник во Париз за да разговараат за „европската безбедност“, потврди во неделата францускиот министер за надворешни работи Жан-Ноел Баро.
„Претседателот на Републиката утре ќе ги собере главните европски земји на разговори за европската безбедност“, изјави Баро за радиото France Inter.
Не прецизираше кој ќе учествува на овој „работен состанок“, но според европски дипломатски извор треба да присуствуваат високи претставници на Германија, Полска, Италија, Данска, како и Обединетото Кралство надвор од ЕУ.
„Ќе бидат присутни и европските лидери Урсула фон дер Лајен и Антонио Кошта, како и шефот на НАТО, Марк Руте, рекол изворот на AFP.
Средбата ќе се одржи ден по Минхенската безбедносна конференција, која беше обележана, како што го оценуваат во Брисел и европските престолнини – со непријателски говор на американскиот потпретседател ЏејДи Венс, насочен против Европската унија, која тој ја обвини дека не ја почитува „слободата на изразување“ воведувајќи „ценура“ и не ја почитува волјата на изборачи и потврди дека Американците размислуваат за преговори за решение на украинското прашање без Европејците.
„Кога станува збор за слободата на изразување, не се потребни инструкции. Треба да се ослободиме од комплексот на инфериорност и да не бидеме заплашени, затоа нема да прифатиме никакво мешање“, истакна Баро за France Presse.
Тој оцени дека изјавите на Венс дадени една недела пред парламентарните избори во Германија се неприфатливи. „Ќе ја заштитиме нашата демократија и нашите јавни дебати, бидејќи тие се нашите најскапоцени средства, дури и ако се кревки“, рече Баро.
Кога станува збор за прашањето за Украина, тој повтори дека „само Украинците можат да донесат одлука за завршување на војната“ и нагласи дека „Европа ќе ги поддржува додека тие самите не донесат таква одлука“.
Баро додаде дека Украинците „нема да запрат додека не се уверат дека мирот што им се нуди ќе биде траен“ и додека немаат гаранции за безбедноста.
„А кој ќе им даде гаранции? Тоа ќе бидат Европејците“, повтори Баро истакнувајќи дека „Европјеците на еден или на друг начин ќе бидат вклучени во дискусиите“ за ставање крај на војната во Украина.
Слични новости
Отворена истражна постапка против 27 физички и три правни лица во врска со пожарот во Кочани
Основното јавно обвинителство Кочани во текот на ноќта донесе Наредба за спроведување истражна постапка против 27 физички и три правни лица во врска со катастрофалниот пожар во Кочани, информираат од Јавното обвинителство на РСМ. Деталите за истрагата, осомничените и предложените мерки за обезбедување, како што е најавено, ќе бидат соопштени денеска напладне на прес-конференција пред зградата на ОЈО Кочани
Нови приведувања за пожарот во Кочани, состојбата на повредените стабилна
Активностите на полицијата и на Обвинителството за истрагата за пожарот во Кочани во кој починаа 59 млади лица, а 178 се повредени, продолжија продлжија синоќа со акција за приведување на лица за кои постои сомнение за инволвираност. Според првичните информации, приведени се поранешните градоначалници на Кочани, Николчо Илиев и Ратко Димитровски и градоначалникот во оставка Љупчо Папазов
Аеродромот Хитроу затворен поради пожарот во близината
Британскиот аеродром Хитроу соопшти дека ќе биде затворен цел ден во петок, откако големиот пожар во блиската електрична трафостаница го прекина снабдувањето со електрична енергија, што го наруши распоредот на летови ширум светот