На денешната ждрепка во Швајцарија фудбалската репрезентација на Македонија која беше во четвртиот шешир ја извлече селекцијата на Данска од првиот шешир за полуфиналето од баражот за квалификациите за Светското првенство во фудбал 2026.

Данците како носители ќе бидат домаќини на натпреварот. Доколку Македонија ја елиминира Данска на 26 март идната година, во финалето на 31 март ќе игра против победникот од бараж натпреварот меѓу Чешка и Република Ирска.

Доколку македонската селекција успее да ја елиминира Данска во полуфиналето, таа ќе биде гостин и на финалниот натпревар.

Преку баражите за учество на Мундијалот се натпреваруваат 16 европски селекции, а настап на  Мундијалот ќе обезбедат четири.

Слични новости