Повеќе од 1.000 локално стекнати инфекции на вирусот Западен Нил се забележани ширум Европа од почетокот на годинашната сезона на пренос, покажуваат податоците на Европскиот центар за превенција и контрола на болести (ЕЦДЦ).
До 3 септември се регистрирани вкупно 1.086 случаи во 15 држави, соопшти ЕЦДЦ. Италија е лидер со 516 случаи, следува Грција со 284 и Шпанија со 88.
Македонија, според последните податоци на надлежните, има 52 случаја на западнонилска треска.
Вирусот Западен Нил главно го пренесуваат комарците меѓу дивите птици, меѓутоа заразените комарци можат да го пренесат и на луѓе. Според германскиот Институт „Роберт Кох“, околу 20 отсто од инфицираните развиваат симптоми слични на грип, додека отприлика само еден од 100 има сериозно заболување.
Слични новости
Продолжува судењето за пожарот во дискотеката „Пулс“ во Кочани
Во судницата во Идризово при Основниот кривичен суд Скопје денеска треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.
Груби се појави на Суд – рочиштето за „Лотарија“ одложено за 7 септември
Поранешниот вицепремиер Артан Груби денеска седна на обвинителна клупа, но рочиштето се одложи за 7 септември за одбраната да направи увид во доказите. Во случајот за слоупотреби во Државна лотарија, покрај Груби, се гонат уште седум лица
Во Македонија активни четири пожари
Во изминатото деноноќие во земјава се регистрирани вкупно 33 пожари на отворен простор, од кои 4 се активни, 4 се под контрола, а 25 се изгаснати – соопшти утрово Центарот за управување со кризи.