Македонија е со пад од 3 места, од 42 на 45, во Индексот за слобода на медиумите на „Репортери без граници“. Таа се наоѓа во групата земји каде ситуацијата со медиумите е „проблематична“.
Од регионот, во групата земји со „задоволителна“ состојба се само Словенија (36) и Црна Гора (41). Хрватска (53) е во групата со „проблематична“, како и Бугарија (71).
Албанија (83) и Грција (86).
Босна и Херцеговина (90) и Србија (104) се во категоријата „тешка“ состојба.
Норвешка е на првото место десетта година по ред, додека Еритреја е на последното место трета година по ред.
Оценката за Македонија „проблематична“ е иста како и минатата година и земјата има пад во сите 5 индикатори:
„Иако новинарите не работат во непријателско опкружување, широко распространетите дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Исто така, владините функционери имаат тенденција да имаат лоши и понижувачки ставови кон новинарите“, се вели во извештајот на Репортери без граници.
Во извештајот на „Репортери без граници“ пишува дека потребни се ефективни мерки за заштита на новинарите почнувајќи со ставање крај на криминализацијата на новинарството.
Слични новости
45,4 проценти од младите во Македонија користат вештачка интелегенција
Алатки за генерирана вештачка интелеганција во Македонија користат 45,4 отсто од младите на возраст од 16 до 24 години, што е под европскиот просек од 63,8 проценти, покажуваат податоците на Евростат за 2025 година.
Македонија тапка во место во борбата против корупцијата
Според рангирањето Северна Македонија е во друштво со Бугарија, Танзанија, Унгарија, Куба, Буркина Фасо и Гвајана.
Владата ќе донесе одлуки за построга контрола при одгледувањето медицинска марихуана
Владата на денешната седница се очекува да донесе одлука да се проверува секоја фирма за одгледување на марихуана за медицински цели