Македонија е со пад од 3 места, од 42 на 45, во Индексот за слобода на медиумите на „Репортери без граници“. Таа се наоѓа во групата земји каде ситуацијата со медиумите е „проблематична“.
Од регионот, во групата земји со „задоволителна“ состојба се само Словенија (36) и Црна Гора (41). Хрватска (53) е во групата со „проблематична“, како и Бугарија (71).
Албанија (83) и Грција (86).
Босна и Херцеговина (90) и Србија (104) се во категоријата „тешка“ состојба.
Норвешка е на првото место десетта година по ред, додека Еритреја е на последното место трета година по ред.
Оценката за Македонија „проблематична“ е иста како и минатата година и земјата има пад во сите 5 индикатори:
„Иако новинарите не работат во непријателско опкружување, широко распространетите дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Исто така, владините функционери имаат тенденција да имаат лоши и понижувачки ставови кон новинарите“, се вели во извештајот на Репортери без граници.
Во извештајот на „Репортери без граници“ пишува дека потребни се ефективни мерки за заштита на новинарите почнувајќи со ставање крај на криминализацијата на новинарството.
Слични новости
Бислимоски поднесе оставка од претседателската функција на РКЕ
Бислимоски во оставката не ги навел причините за повлекувањето. Неодамна Управата за финансиска полиција му поднесе кривична пријава за злоупотреба на службената положба и овластување
Синоќешниот земјотрес не треба да вознемирува укажуваат експерти
Синоќешниот земјотрес од 4,6 степени според Рихтеровата скала со епицентар во Косово, кој беше почувствуван во Тетово и Скопје не треба да вознемирува, бидејќи причината за тоа е што расте Шар планина
ССМ утре ќе ја блокира улицата пред Стопанската комора
Сојузот на синдикати утре ќе ги блокира приодите кон Стопанската комора, Организацијата на работодавачи и Бизнис конфедерацијата. Блокадата ќе почне на раскрсницата пред Стопанската комора во 12 часот.