Македонија е со пад од 3 места, од 42 на 45, во Индексот за слобода на медиумите на „Репортери без граници“. Таа се наоѓа во групата земји каде ситуацијата со медиумите е „проблематична“.
Од регионот, во групата земји со „задоволителна“ состојба се само Словенија (36) и Црна Гора (41). Хрватска (53) е во групата со „проблематична“, како и Бугарија (71).
Албанија (83) и Грција (86).
Босна и Херцеговина (90) и Србија (104) се во категоријата „тешка“ состојба.
Норвешка е на првото место десетта година по ред, додека Еритреја е на последното место трета година по ред.
Оценката за Македонија „проблематична“ е иста како и минатата година и земјата има пад во сите 5 индикатори:
„Иако новинарите не работат во непријателско опкружување, широко распространетите дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Исто така, владините функционери имаат тенденција да имаат лоши и понижувачки ставови кон новинарите“, се вели во извештајот на Репортери без граници.
Во извештајот на „Репортери без граници“ пишува дека потребни се ефективни мерки за заштита на новинарите почнувајќи со ставање крај на криминализацијата на новинарството.
Слични новости
ССМ со блокада на Владата бара поддршка за предлогот 600 евра минималец
Нова блокадата и нов протест пред генерален штрајк. Сојузот на синдикатите на Македонија денеска во 11 часот ги блокира вратите на Владата со исто барање, поддршка за предлогот за 600 евра минималец и сто евра раст на останатите плати
Нема одлагање на законот за пушење
Законот за пушење ќе стапи на сила по неговото донесување согласно роковите. Фазноста се однесува на начинот на примена во почетниот период, при што првата фаза ќе биде со засилен надзор
УХМР предупреди на високи водостои на Вардар и Треска
Според УХМР од денеска се очекува зголемување на водостојот на реката Вардар во средниот дел од течението, предупредуваат на внимателно движење покрај реките.