Сообраќајот на државните патишта се одвива во зимски услови, по наместа влажни коловози. Поради појава на магла намалена видливост од 30 до 40 метри има на патниот правец Тетово–Попова Шапка, од 50 до 100 метри на патниот правец Делчево–Пехчево, од 100 до 150 метри на патниот правец Куманово–Крива Паланка и на планинските превои Ѓавато и Пресека, а видливост до 50 метри има на планинскиот превој Плетвар.
Како што информира АМСМ, сите државни патишта се проодни и безбедни за сообраќај. Сообраќајот се одвива непречено, но поради врнежите од снег се препорачува внимателно возење. На одредени патни правци кои поминуваат низ усеци и клисури можна е појава на поситни одрони.
Оттаму покрај внимателно и совесно управување со возилата препорачуваат задолжително употреба на зимска опрема, почитување на поставената сообраќајна сигнализација и прилагодена брзина согласно условите на патните правци.
Слични новости
Гостиварчанец осомничен за убиство, лажел дека татко му паднал во бањата
На 31 март 2026 година, во 01:50 часот, полициски службеници од Полициската станица Гостивар го лишија од слобода М.Д. (34) од Гостивар поради основано сомнение за сторено кривично дело „убиство“.
Црногорскиот претседател Јаков Милатовиќ пристигна во посета на Македонија
На покана на претседателката Гордана Сиљановска Давкова црногорскиот претседател Јаков Милатовиќ од денеска престојува во дводневна посета на Македонија.
МВР со снимките од камерите на дискотеката “Пјур” ќе утврдува што се случило при инцидентот со полицајците
Од МВР потврдија дека ќе се бараат снимките од камерите пред дискотеката “Пјур” за да се утврди што во саботата рано наутро се случило при полициска интервенција.