Нигериeцот Адемола Лукман е најдобриот африкански фудбалер во 2024 година, а напаѓачот на Аталанта од Бергамо ја доби наградата на настанот на Африканската фудбалска конфедерација во Маракеш.

Нигериецот постигна три гола за Аталанта во победата од 3:0 во финалето на Лига Европа против Баер Леверкузен, а за клубот од Ломбардија минатата сезона постигна вкупно 17 гола, а оваа сезона досега 11.
Во финалниот избор за најдобар африкански фудбалер се најдоа и Мароканецот Ахраф Хакими (Пари Сен Жермен), Гвинеецот Серху Гираси (Борусија Дортмунд), Симон Адингра (Брајтон) од Брегот на Слоновата Коска и јужноафриканскиот голман Ронвен Вилијамс (Мамелоди Сандаунс).
Победниците ги избираат тренерите и капитените на репрезентациите.
Во 2023 година победник беше Нигериецот Виктор Осимхен од Наполи, моментално играч на истанбулски Галатасарај.
Слични новости
Галатасарај го обвини Жозе Мурињо за расизам
Галатасарај го обвини Жозе Мурињо за расистички изјави и соопшти дека ќе поведе кривична постапка против тренерот на Фенербахче поради неговите коментари по ремито 0:0 во Супер лигата во понеделник
19 асистенции на Јокиќ во победата на Денвер врз Индијана
МВП-то на НБА, српскиот центар Никола Јокиќ, утринава постигна нов личен рекорд по бројот на аситенции, откако асистираше дури 19 пати на своите соиграчи во победата на Денвер врз Индијана 125:116.
Ливерпул триумфираше против Сити
Фудбалерите на Ливерпул направија уште еден голем чекор кон освојување на англиското првенство, откако го совладаа актуелниот четирикратен шампион Манчестер Сити со 2:0