Обединетото Кралство останува посветено на „неповратниот пат“ на Украина кон членство во НАТО, му рече британскиот премиер Кир Стармер во петокот на украинскиот претседател Володимир Зеленски, откако американското водство даде спротивставени изјави за северноатлантската перспектива на Киев.
Зеленски и европските лидери беа вознемирени од одлуката на американскиот претседател Доналд Трамп директно да разговара со неговиот руски колега Владимир Путин и да објави почеток на преговорите меѓу нив за ставање крај на војната во Украина.
Овој потег предизвика загриженост кај европските влади дека тие би можеле да бидат исклучени од разговорите што би можеле да резултираат со договор во полза на Русија на сметка на европската безбедност.
„Премиерот ја повтори посветеноста на Велика Британија за Украина на неповратниот пат кон НАТО, како што беше договорено од сојузниците минатата година на самитот во Вашингтон“, се вели во транскриптот од разговорот меѓу британскиот и украинскиот лидер, објавен од кабинетот на Стармер.
Лабуристичката партија го повтори својот став дека не може да има разговори „за Украина без Украина“ и дека на Киев му требаат силни безбедносни гаранции, дополнително вооружување и суверена иднина.
Заменик-претставникот на Трамп за Украина, Џон Коал, во четвртокот изјави дека САД не ја исклучуваат можноста за членство на Украина во НАТО или преговарано враќање на границите од пред 2014 година, што е спротивно на изјавите на американскиот секретар за одбрана Пит Хегсет.
Зеленски рече дека го информирал Стармер за содржината на неговиот разговор со Трамп.
„Безбедноста на секоја нација зависи од зајакнувањето на нашата колективна безбедност. Клучно е секоја нова недела да носи опипливи резултати кои ќе обезбедат долготраен и сигурен мир“, напиша украинскиот претседател на платформата Х.
Слични новости
Тензично во Белград пред големиот студентски протест закажан за 16 часот
Синоќа од разни правци на Србија пристигнуваа студенти кои беа пречекани од Белграѓани кои ги дочекаа на Теразије. Се проценува дека излегоа над 30.000 граѓани да ги дочекаат студентите
Трамп ги опиша разговорите со Путин продуктивни, Зеленски вели дека Русија е во застој
Американскиот претседател Доналд Трамп во петокот рече дека има „многу добри шанси“ да се стави крај на руско-украинската војна по „продуктивната“ дискусија со рускиот претседател Владимир Путин, додека украинскиот лидер Володимир Зеленски ја обвини Москва дека само „го комплицира и го одложува процесот“ со поставување услови за прекин на огнот
Политико: Португалија се откажа од купување авиони Ф-35 заради политиката на Трамп
Португалија реши да не ги заменува своите борбени авиони Ф-16 со модерните Ф-35 модели затоа што ситуацијата со претседателот на САД Доналд Трамп доведе до несигурност во врска со односите на Америка и нејзините сојузници