Лига на шампионите: Баерн и Реал и натаму вез кикс, Ливерпул убедлив во Франкфурт

Во дербито на вечерта, Реал Мадрид го победи Јувентус со 1:0 на својот „Сантијаго Бернабеу“. Во текот на натпреварот, Реал беше подобриот тим, иако Јувентус исто така се закануваше, а мрежите мируваа до 58. минута. Тогаш Винисиус Жуниор прво ја погоди стативата, а Белингам реагираше најбрзо на одбиената топка и ги одушеви домашните навивачите. Торинскиот тим создаде шанси до крајот, можеше да израмни и да дојде до еден бод, но Реал остана неранлив до крајот.

Ливерпул ја заврши својата негативна серија со убедлива победа од 5:1 во Франкфурт против Ајнтрахт, иако натпреварот не започна добро за англискиот шампион. Во 26. минута, Ајнтрахт започна многу убав контранапад, кој Кристенсен го круниса за водство од 1:0. Ливерпул одговори на ист начин, девет минути подоцна. Контранападот на гостите беше молскавично брз. 

Прво асистенција од Робертсон, а потоа и израмнувачки гол од 1:1 од Екитике, играч кој дојде на „Енфилд“ токму од Ајнтрахт ова лето. Ливерпул имаше водство од два гола до полувремето, по головите од корнери. Стрелци беа Ван Дајк во 39. минута и Конате во 44. минута. Победата на Ливерпул беше потврдена во второто полувреме, со погодоците на Гакпо во 66. и Собослај во 70. минута.

Челзи лесно го победи Ајакс со 5:1 на својот „Стемфорд Бриџ“. Тоа беше втора победа за Челзи, додека Ајакс останува последен на табелата. Гостите од Амстердам се соочија со првите проблеми во 15. минута кога Тејлор беше исклучен, а само три минути подоцна 19-годишниот Гиу го постигна првиот гол за домашните. Во 27. минута, Каиседо шутираше од 20 метри, а на пат кон гостинскиот гол, топката го закачи хрватскиот играч Јосип Шутало, го смени правецот и заврши во мрежата за 2:0. Ајакс почувствува кратка радост во 33. минута кога Вегорст реализираше пенал за 1:2. А истиот играч направи пенал на спротивната страна десет минути подоцна. Фернандез постигна гол од пенал во 45. минута за 3:1, а новата најстрога казна за домашниот тим беше досудена во шестата минута од судиското продолжение, кога Естевао постигна гол за 4:1. Сè заврши со гол на Жорж на почетокот на второто полувреме за 5:1.

Спортинг го победи Марсеј со 2:1 по пресвртот во Лисабон. Гостите поведоа во 14. минута со нов погодок на Игор Паиша, кој мајсторски упати дијагонален удар од врвот на шеснаесетникот во спротивниот агол. Марсеј го заврши првото полувреме со играч помалку, што се покажа како клучно до крајот на натпреварот. Прво, Катамо израмни во 69. минута на 1:1, додека во 86. минута, со огромна помош од играчот на Марсеј – Павар, кој ја одби топката, Сантош постигна гол за 2:1 и втората победа на Спортинг во Лигата на шампионите.

Монако и Тотенхем одиграа натпревар без голови, иако Монако пропушти бројни шанси во текот на 90-те минути. Голманот на Тотенхем, Викарио, беше одличен во текот на целиот натпревар. Аталанта и Славија Прага играа исто така 0:0 во Бергамо.

Претходно во средара Галатасарај го победи норвешкиот Бодо со 3:1 во Истанбул за својата втора победа во Лигата на шампионите. Осимхен постигна два гола за турскиот шампион, додека Акгун постигна еден, а Хелмерсен беше единствениот стрелец на спротивната страна.

Атлетик Билбао го победи Карабаг со ист резултат на стадионот „Сан Мамес“. Ова е првиот пораз на Карабаг, кој поведе веќе во првата минута, во Лигата на шампионите а резервистот Гурузета постигна два гола за пресвртот на Атлетик.