Данскиот Митјиланд продолжува да бележи одлични резултати во Лигата на Европа. Во натпреварот од 4. коло, Митјиланд го победи Селтик со 3:1, забележувајќи ја својата четврта победа. Данскиот тим поведе во 34. минута со голот на хрватскиот репрезентативец Мартин Ерлиќ. Микел Гогоржа центрираше од корнер, а Ерлиќ постигна гол за 1:0. Само минута подоцна, асистентот Гогоржа стана и стрелец. Домаќинот го круниса одличното полувреме со трет гол, постигнат од Франкулино во 41. минута. Во второто полувреме, шкотскиот тим го намали дефицитот со гол од пенал на Рео Хатате.
Ова беше четврта победа за Данците, а втор пораз за Селтик.
Базел ја прослави својата втора победа со триумф од 3:1 над ФЦСБ. Еден од клучните моменти се случи во 12. минута кога Стефан Тарновану доби црвен картон поради играње со рака во шеснаесетникот. Џердан Шаќири го реализираше пеналот. Гостите израмнија во 57. минута преку Дариус Олару, но Шаќири го врати Базел во водство во 73. минута. Салах го зголеми резултатот на 3:1 во 88. минута по асистенција од Шаќири.
Утрехт и Порто играа 1:1. Домаќините поведоа во 48. минута со голот на Мигел Родригез, а Борха Саинц израмни во 66. минута.
Еден од фаворитите во натпреварувањето сезонава, франциски Лил претрпе пораз од 1:0 на гостувањето во Белград кај Црвена ѕвезда.
Следниот противник на „сините“, Лил, загуби од Црвена звезда со 1:0 на гостувањето во Белград во цврст натправар во кој и двете екипии имаа неколку одлични шанси, но домаќините сепак создадоа повеќе и имаа еден поништен гол поради минален офсајд. Решавачкиот гол го постигна Марко Арнаутовиќ во 85. минута од пенал.
Патанаикос славеше со идентичен резултат на гостувањето кај Малме. Единствениот стрелец беше Филип Ѓуричиќ во 85. минута.
Фрајбург ја победи Ница со 3:1 на гости. Јохан Манзамби (29), Винченцо Грифо (39-11м) и Дери Шерхант (42) постигнаа голови за гостите, додека голот за Ница го постигна Кевин Карлос (24).
Слични новости
Интер Мајами првпат ја освои МЛС
Фудбалерите на Интер Мајами, предводени од легендарниот Аргентинец, 38-годишниот Лионел Меси, ја освоија шампионската титула во МЛС првпат во својата историја откако како домаќини ги победија Ванкувер Вајткепс со 3:1 во финалето
Атлетик победи во дербито против Атлетико
Во дерби натпреварот од 15-то коло на шпанската Ла Лига, фудбалерите на Атлетик Билбао на својот стадион „Сан Мамес“ во саботата вечерта го победија Атлетико Мадрид со минимални 1:0
Бразил доби тешка група, оцени Анчелоти
Бразил е извлечен во „тешка група“ на Светското првенство во 2026 година, со Мароко, Шкотска и Хаити како негови противници, изјави селекторот на Бразил, Карло Анчелоти, по жрепката во Вашингтон