Фудбалерите на Ливерпул направија уште еден голем чекор кон освојување на англиското првенство, откако го совладаа актуелниот четирикратен шампион Манчестер Сити со 2:0 на гостински терен во неделното дерби од 26. коло на Премиер лигата.
Головите за 19-та сезонска шампионска победа на тимот на Арне Слот ги постигнаа Мохамед Салах во 14. минута и Доминик Шобошлаи во 37.та минута. За голот на Салах му асистираше Собошлаи, а потоа Египјанецот возврати.
Иако избраниците на Пеп Гвардиола статистички имаа двојно повеќе удари (16-8) и повеќе шутеви во рамките на голот (5-4), впечатокот беше дека гостите беа далеку поопасни и поконкретни кога ја имаа топката во своите нозе, а покажаа и поголема прецизност во завршницата од акциите. Притоа, на двете страни беше поништен по еден погодок, поради недозволена позиција.
Водечкиот Ливерпул сега има 64 бода од 27 натпревари, додека второпласираниот Арсенал има собрано 53 бода од 26 натпревари. Нотингем Форест е на третото место со 47 бодови, а Манчестер Сити е четврти со 20 бода помалку од Ливерпул.
Претходно во неделата фудбалерите на Њукасл Јунајтед за само 11 минути ги постигнаа сите четири гола во победата од 4:3 (4:1) на домашен терен против Нотингем Форест.
Хадсон-Одои ги доведе гостите од Нотингем во предност во 6. минута, а домашните меѓу 23. и 34. минута постигнаа четири гола. Мајли израмни во 23. минута, Марфи во 25. минута погоди за 2:1, а потоа првиот стрелец на Њукасл Александар Исак постигна два гола – во 33. минута од пенал и во 34. од слободен удар. Гостите во вториот дел го ублажија поразот со головите на Миленковиќ во 63. и Јејтс во 90. минута.
Со 13-та победа оваа сезона, Њукасл дојде до 44 бодови и скокна на петтото место, израмнувајќи се со четвртопласираниот Манчестер Сити. Нотингем Форест е трет со 47 бодови.
Слични новости
Арсенал се откажа од борбата за титулата
Тренерот на Арсенал Микел Артета кој на вчерашниот напревар со Манчестер Јунајтед по 200 пат водеше екипа во Премиер лигата, нема големи причини за прослава на јубилејот, откако стана јасно дека Арсенал уште една сезона нема да може да стигне до титулата.
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби