Најмалку 18 лица во неколку федерални држави загинаа во ледениот бран што ги зафати САД, јавија денеска американските медиуми.
Во градот Фриско, Тексас, недалеку од Далас, шеснаесетгодишно девојче починало додека се санкало, соопшти локалната полиција, наведувајќи дека девојчето на санката го влечело тинејџер кој возел моторна санка, пренесува Еј-Би-Си.
Во областа Остин, една жртва на хипотермија е пронајдена мртва на паркинг на напуштена бензинска пумпа, соопштија локалните власти.
Во државата Арканзас, 17-годишно момче починало по несреќа во која удрил со санка во дрво, соопшти канцеларијата на шерифот на округот Салин.
Градоначалникот на Њујорк соопшти дека пет лица загинале во ледениот бран, а медиумите во Бостон објавија дека во државата Масачусетс, една жена починала откако била удрена од машина за чистење снег.
Три смртни случаи се пријавени во Тенеси, два во Луизијана и еден во Канзас, потврдија официјални лица во тие држави за Еј-Би-Си.
Слични новости
Трамп повторно се закани со „пекол“ поради Ормутскиот теснец, Техеран одговори: „Ги изгубивме клучевите“
Отворете го проклетиот теснец, луди копилиња, или ќе живеете во пекол, само гледајте“, напиша Доналд Трамп на својата мрежа Truth Social. Потоа му даде рок на Иран до вторник во 20 часот по источно време.
Американски разузнавачките проценки: Иран не планира наскоро да го отвори Ормускиот теснец
Според неодамнешните извештаи од американските разузнавачки служби, малку е веројатно дека Иран ќе го отвори Ормускиот теснец наскоро, бидејќи контролата врз преминот претставува единствена значајна предност на Техеран во однос на САД, објави „Ројтерс“ повикувајќи се на три извори.
Иран го отфрли американскиот предлог за 48-часовно примирје
Иран го отфрли американскиот предлог за 48-часовен прекин на огнот, а преговорите меѓу двете страни, кои требаше да се одржат во Пакистан, дојдоа во целосен ќорсокак.