Аргентинскиот напаѓач Лаутаро Мартинез ќе ги пропушти претстојните квалификации за Светското првенство против Уругвај и Бразил поради повреда на тетивата, објави во средата аргентинската федерација.
Фудбалерот на милански Интер минатата седмица во реваншот од осминафиналето на Лигата на шампионите против Феенорд беше оставен на клупата поради болки во мускулите.
Дваесет иседумгодишниот Мартинез се врати во голгетерската низа во победата на Интер од 2:0 во Серија А над Аталанта во неделата, пред да се приклучи на селекцијата на Лионел Скалони, но сега е надвор од теренот поради повреда на левата тетива.
Мартинез се приклучува на растечката листа отсутни ѕвезди на Аргентина, вклучувајќи го и капитенот Лионел Меси, кој е надвор од терените поради истегнување на мускулите, заедно со Гонзало Монтиел, Џовани Ло Селсо и Пауло Дибала.
Аргентина е лидер во квалификацискиот поредок на КОНМЕБОЛ со 25 бода по 12 натпревари. Светскиот шампион и шампион на Копа Америка во петок ќе играат со второпласираниот Уругвај пред да му гостуваат на петтопласираниот Бразил четири дена подоцна.
Слични новости
Леброн во последната секунда ја прекина низата порази на Лејкерс, Јокиќ се врати со „трипл-дабл“
Лос Анџелес Лејкерс ја совлада домашната екипа Индијана Пејсерс со 120:119 во Индијанаполис, а победата ја обезбеди Леброн Џејмс со кош со последниот судиски свиреж
Евролига: Ѕвезда го згасна Виртус, петта последователна победа на Ефес
Кошаркарите на белградска Црвена ѕвезда во среда вечерта во рамките на 31. Коло на Евролигата го совладаа Виртус Болоња со 88:52 (28:11, 23:16,18:10, 19:15) и така направија голем исчекор кон пласман во плејофот
Мајами: 19-годишна Филипинка ја шокираше Швјонтек
Деветнаесетгодишната филипинска тенисерка Александра Еала се пласираше во полуфиналето на ВТА турнирот во Мајами, откако ја победи втората светска тенисерка, Полјачката Ига Швјонтек со 6-2, 7:5