Министерот за надворешни работи на Руската федерација Сергеј Лавров изјави денеска дека Русија и Србија се договорија да продолжат заеднички да работат за да се избегне штетата врз заедничките интереси од американските санкции на Нафтената индустрија на Србија НИС.
Лавров ова го изјави по средбата со српскиот министер за надворешни работи Марко Ѓуриќ кој е во посета на Москва и додаде дека разговарале детално за енергетската соработка. Русија е најголем извозник на гас во Србија и обезбедува 85 насто од српските потреби за гас.
Лавров рече дека законската и взаемно корисна соработка на Србија и Русија не им се допаѓа на одредени сили на Западот и дека тие сили се обидуваат да ја сменат ситуацијата на пазарот користејќи нечесни мерки на конкурентска борба.
Слични новости
Руте: Стабилноста на Косово, БиХ и Србија е од заеднички интерес
Генералниот секретар на НАТО Марк Руте изјави дека стабилноста во Косово, Босна и Херцеговина и Србија е од суштинско значење за сите
Хрватскиот Сабор донесе закон против високи цени
Со новиот Закон во сила стапуваат и ограничувања на цените на клучни производи и услуги, како и јасно означување на производите со ограничена цена.
Годишната инфлација во Црна Гора во јануари порасна за 2,8 насто
Годишната стапка на инфлација во Црна Гора во јануари порасна на 2,8 од декемвриските 2,1 насто и сега е највисока за последните шест месеци, објави денеска црногорската управа за статистика Монстат.