Португалската фудбалска легенда, 40-годишниот Кристијано Роналдо, во вторникот стана најдобар стрелец на сите времиња во квалификациите за Светското првенство со двата гола во ремито 2:2 против Унгарија.
Роналдо веќе постигна вкупно 143 гола за својата земја, од кои 41 беа во квалификациите за Светското првенство. До синоќа, Португалецот го делеше рекордот со поранешниот гватемалски репрезентативец Карлос Руиз, кој ја заврши кариерата со 39 гола во квалификациите за Светското првенство.
„Не е тајна дека играњето за репрезентацијата ми значи многу, па затоа сум неверојатно горд што го постигнав ова уникатно достигнување за Португалија… Им благодарам на сите што ми помогнаа да стигнам до оваа точка. Се гледаме во ноември за да ги завршиме квалификациите за Светското првенство“, напиша Роналдо на социјалната платформа X.
Португалија со неговите голови до првата минута од судиското продолжение имаше победа во свои раце, што ќе им гарантираше на португалските фудбалери место на Светското првенство во 2026 година на две кола до крајот, но израмнувачкиот гол на Доминик Собослај го спречи тоа и ѝ помогна на својата репрезентација да се бори за второто место во групата, што носи место во плејофот.
Португалија има 10 бода на две кола до крајот, пет повеќе од второпласираната Унгарија, а квалификациите за Светското првенство всушност се само формалност за Кристијано Роналдо и неговите соиграчи.
Слични новости
Арсенал со победа против Брајтон повторно на 5 бода разлика од Сити
Арсенал продолжи да ги дообива мечевите „кои мора да се добијат“, оние од категоријата „мали мечеви“ на кои всушност се освојуваат титулите. Арсенал го победи Брентфорд на својот стадион со 2:0 и сега води во Премиер лигата со 33 бодови
Пропадна трансферот на Нејмар во Интер Мајами
Медиумите пишуваат дека Дејвид Бекам се откажа од идејата да го доведе Нејмар да игра во Интер Мајами заедно со Лео Меси. Со тоа Нејмар сигурно останува во неговиот клуб Сантос во Бразил до крајот на летото.
Лука Дончиќ прогласен за играч на неделата на Западот
Кошаркарот на Лос Анџелес Лејкерс Лука Дончиќ е прогласен за играч на неделата во Западната конференција на НБА лигата. Тој на три натпревари одиграни неделава имаше просек од 37,3 поени, 10,3 асистенции и 8,7 скока по натпревар.