Фудбалерите на Кристал Палас убедливо ја совладаа Астон Вила со 4:1 на својот „Селхарст Парк“, во натпреварот од 27. коло на англиската Премиер лига.
Двоен стрелец за лондонскиот тим беше Исмаила Сар (29, 71), а по еден постигнаа Жан-Филип Матета (59) и Едвард Нкетија (90+1). Морган Роџерс (52) беше единствениот стрелец за клубот од Бирмингем. Астон Вила на полувремето остана без првиот голман Емилијано Мартинез, а неговата замена Робин Олсен прими три гола во вториот дел.
Кристал Палас стигна до 12. место со 36 бодови, а Астон Вила падна на десеттото место со 42 бода.
Брајтон победи со 2:1 на домашен терен против Бурнмаут, со головите на Жоао Педро (12-11м) и Дени Велбек (75), додека Џастин Клајверт (61) погоди за гостите.
Брајтон со победата се искачи на осмото место и бодовно се израмни со Борнмаут.
Фулам оствари победа од 2:1 на гостински терен славејќи кај Вулверхемптон. За Фулам погодија Сесењон (1) и Родриго Муниз (47), додека за Волвс стрелец беше Жоао Гомеш (18).
Фулам скокна пред Астон Вила со 42 бода и се најде на деветтото место. Вулверхемптон го претрпе 17-от пораз и остана на 22 бода, со што се наоѓа на 17. позиција, пет бода над зоната за испаѓање.
Слични новости
Германските фудбалски клубови минатата година продадоа рекорден број билети
Германските фудбалски клубови од Првата и Втората дивизија продадоа рекорден број билети за сезоната 2023/24, соопшти Германскиот фудбалски сојуз (DFL)
Бостон ја забележа деветтата последователна победа
Бостон Селтикс ја продолжи победничката серија на девет натпревари откако синоќа на домашен терен ја совлада Јута Џез со 114:108, а Сем Хаузер постигна девет „тројки“ и постигна рекордни 33 поени за победа на домашната екипа
Лејкерси без Леброн загубија од Бруклин 108:111
Бруклин Нетс утринава славеа против Лејкерс со 111:108 во првиот меч на кој Лејкерс настапија без Леброн Џејмс по неговата повреда на левата препона.