Банките за храна во Германија се принудени да ја ограничат помошта за граѓаните поради сѐ големата побарувачка, вели челникот на здружението Tafel Deutschland, бидејќи одделните истражувања покажуваат дека трошоците за домување сѐ повеќе Германци туркаат во сиромаштија.
Третина од банките за храна се принудени да ја прекинат дистрибуцијата на храна или да воведат листи на чекање одвреме-навреме, а 60 отсто од нив имаат намалени пакети, рече Андреас Штепун во написот во Neue Osnabruecker Zeitung објавен во петокот.
Бројот на граѓани кои бараат помош е зголемен за 50 отсто од почетокот на војната во Украина во февруари 2022 година, според Штепун. Во моментов, околу 1,6 милиони сиромашни луѓе во Германија ги користат услугите на банките за храна, додава првиот човек на Tafel Deutschland.
Банките за храна се борат да ја задоволат силната побарувачка бидејќи пензиите и платите не го следеа растот на трошоците за живот, објаснува.
„Банките за храна не можат да решат проблем што државата го запоставува со децении“, вели Штепун.
Ги повикува политичарите да преземат поодлучни активности за ублажување на сиромаштијата, истакнувајќи дека предлогот на канцеларот Олаф Шолц за намалување на данокот на додадена вредност (ДДВ) на храната може да биде само првиот чекор кон решение.
Поради високите кирии и поврзаните трошоци за домувањето, повеќе германски граѓани денес се посиромашни отколку што досега се мислеше, според посебно истражување објавено во петокот.
Многу домаќинства трошат повеќе од една третина од својот приход за домување, а некои дури и повеќе од половината, според анализата на податоците на добротворната организација Paritaetische Gesamtverband, составена и објавена од заводот за статистика Destatis во петокот.
По плаќањето на киријата и поврзаните трошоци за домување и плаќањето камати на заеми и други слични сметки, повеќе од 17,5 милиони граѓани имаат приход што ги класифицира како сиромашни, покажува анализата.
Границата на сиромаштијата се определува со расположливиот месечен приход помал од 60 проценти од просечниот.
Милиони граѓани денес се невидливи во вообичаената статистика за сиромаштијата, бидејќи не се земаат предвид нивните трошоци за домување, предупредуваат од здружението.
„Доколку ги гледате само приходите и го игнорирате фактот дека луѓето денес имаат сè помалку пари на располагање бидејќи нивните трошоци за домување се зголемуваат, тогаш го занемарувате обемот на сиромаштијата во Германија“, предупредуваат авторите на анализата.
Кога ќе се земат предвид трошоците за домување, според нивните пресметки, повеќе од 20 отсто од населението во Германија е сиромашно. Според овие пресметки, прагот за самечко домаќинство е расположливиот приход од 1.016 евра месечно.
Слични новости
Крајот на ерата на ефтин гас: Украина го затвори рускиот гасовод кон ЕУ
ЕУ значајно го намали увозот на гас од Русија од почетокот на инвазијата врз Украина во 2022, но неколку земји на истокот од блокот и натаму се прилично зависни од рускиот гас, кој на Моксва и носи годишни проходи од пет милијарди евра.
Русија значително ги намали испораките на гас во Европа, ослабена конкурентност поради поскапиот гас
Загубата на евтиниот руски гас ја заглави европската економија, ја поттикна инфлацијата и ја влоши кризата на трошоците за живот, забележува Reuters
Кога западот се откажа од западните вредности
Доминантните елити на новиот Запад немаат никаква корист од системот на вредности од минатиот век. Слободната трговија, антимонополските правила, нултата емисија, демократијата, отвореноста кон миграциите, разновидноста, човековите права и Меѓународниот суд се третираат со презир