Криза во БиХ во обидот за собоување на министерот за надворешни работи Конаковиќ

Конаковиќ е критикуван и дека не бил повеќе вклучен во оспорувањето на ревизијата на пресудата против БиХ пред Европскиот суд за човекови права по тужбата поднесена од советникот на Комшиќ, Славен Ковачевиќ, како и поради откажувањето на самитот на лидерите од Западен Балкан со лидерите на ЕУ. требаше да се организира во декември минатата година.

Сојузот на независни социјалдемократи (СНСД), предводен од челникот на босанските Срби, Милорад Додик, претходно соопшти дека и тие бараат смена на Конаковиќ бидејќи го обвинуваат за наводно кршење на уставниот поредок на БиХ. Ним им пречи затоа што Конаковиќ предложи 9. јануари, кој во Република Српска се слави како ден на тој ентитет, да биде прогласен за ден на жалост на ниво на БиХ.

„Не се сомневам дека СНСД ќе ја има поддршката од SDA, која со право ме гледа како свој најголем проблем и е подготвена да го сруши целиот систем за да се ослободи од мене. Знам и за нивните состаноци и договори“, рече Конаковиќ минатата седмица, коментирајќи го ненадејниот сојуз на најголемите бошњачки и српски партии.

Додик во понеделникот ја коментираше иницијативата на SDA во објава на социјалната мрежа Х, пишувајќи дека е „незгодно е кога Тито ти е најдобар пријател, а не е маршал“.

Конаковиќ е и лидер на партијата Народ и правда (NiP), член на владејачката коалиција во блокот што го формира заедно со SDP и Нашата партија (NS). Минатата седмица тој блок објави дека ја раскинува коалицијата со СНСД и сака актуелните опозициски партии од Репулика Српска да ја заменат на државно ниво. Додик беше обвинет дека намерно го блокирал усвојувањето на два важни реформски закони со цел да го забави патот на БиХ кон членството во ЕУ.

Иницијатива за реконструкција на Советот на министри најави и „Тројката“, а српските опозициски партии начелно изразија волја да учествуваат во новата влада доколку се договори прецизна програма за дејствување.

Но, лидерот на хрватската партија HDZ BiH, Драган Човиќ, ова го смета за нереално и ги покани „Тројката“ и СНСД на нова рунда разговори за да се решат проблемите во коалицијата и да продолжат реформските процеси со сегашната структура на парламентарното мнозинство. Соодносот на силите во парламентот на БиХ дозволува СНСД да биде соборена од власт, како и „Тројката“, која потоа би била заменета со SDA, со што Додик сега се заканува.