Кремљ во петокот соопшти дека Русија и Соединетите држави постигнуваат добар напредок во мировните преговори за Украина и дека Москва е подготвена да продолжи да работи со сегашниот американски преговарачки тим.
Претседателот Владимир Путин во вторник вечерта одржа петчасовни разговори со двајцата претставници на американскиот претседател Доналд Трамп, за време на кои тој прифати некои елементи од мировниот план изготвен од САД но не и другите, според Кремљ.
Потоа Путин го повтори барањето на Русија за целосна контрола врз украинскиот регион Донбас, велејќи дека Москва ќе ја преземе целонсата контрола врз регионот со сила ако украинските трупи не се повлечат.
Американскиот претседател Доналд Трамп, чии напори за завршување на војната досега не донесоа напредок, рече дека состанокот оваа седмица бил „прилично добар“, но дека патот до решение останува нејасен.
Советникот на Путин, Јуриј Ушаков, кој учествуваше во разговорите во вторник, во петокот за воениот телевизиски канал Звезда изјави: „Според мене, постигнуваме напредок во главните преговори во кои е вклучен нашиот претседател. Ова е охрабрувачко и ние сме подготвени да ја продолжиме соработката со овој американски тим“.
Руската новинска агенција РИА го цитираше Ушаков, кој рече дека Кремљ чека „реакција на нашите американски колеги“ на разговорите во вторник.
Американската страна ја предводеше претставникот на Трамп, Стив Виткоф кој веќе шест пати престојуваше во Москва од почетокот на годината, а првпат беше придружуван од зетот на американскиот претседател, Џаред Кушнер.
Украина сака итен прекин на огнот и го обвинува Путин дека се преправа дека е заинтересиран за мировни преговори, додека ја продолжува војната. Во исто време, Киев стравува дека Трамп и Путин би можеле да постигнат договор што би ја принудил Украина во исклучително неповолни услови и би ја оставил ранлива на нови идни руски напади.
Украина сака „вистински мир, а не помирување“ со Русија, изјави нејзиниот министер за надворешни работи во четвртокот.
Русија тврди дека е сериозна во врска со завршувањето на војната, но дека ќе ги постигне своите цели со воени средства ако не може да ги постигне преку дипломатија.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков