Русија смета дека обновувањето на односите со САД е долгорочна и тешка задача, но верува дека постои политичка волја кај двете страни да се постигне напредок, соопшти во понеделникот Кремљ.
Напорите на американскиот претседател Доналд Трамп за доближување со рускиот претседател Владимир Путин и обновување на прекинатите односи меѓу Вашингтон и Москва ги вознемири Украина и европските сојузници.
„Ние сме на почетокот на патот кон обновување на нашите билатерални односи. Патот пред нас е доста долг и тежок, но барем двајцата претседатели изразија политичка волја во таа насока“, изјави за новинарите портпаролот на Кремљ, Дмитриј Песков.
Песков рече дека е важно да се утврди дали Украина навистина сака мир или не.
Украина треба да одржи дипломатски разговори со САД во вторник во Саудиска Арабија за да стави крај на војната со Русија.
Тоа ќе биде прва средба меѓу украински и американски претставници по катастрофалната посета на украинскиот претседател Володимир Зеленски на Белата куќа на крајот на февруари, кога се судри со Доналд Трамп.
Зеленски во понеделникот рече дека е подготвен да седне на преговарачка маса што е можно поскоро и бара гаранции од САД и Европа за безбедноста на неговата земја.
Украина сака мир и Русија е „единствената причина поради која војната продолжува“, објави тој на Телеграм.
„Украина сака мир уште од првата секунда на војната и ние секогаш велевме дека единствената причина поради која војната продолжува е Русија.
Слични новости
ЕУФОР: Распоредуваме воено засилување во БиХ
Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево
Фон дер Лајен: Урнати се илузиите за европската безбедност
Илузиите за безбедноста на Европа се урнати и Европската унија мора веднаш да почне да инвестира значително повеќе во својата одбрана, изјави во вторникот претседателката на Европската комисија, Урсула фон дер Лајен, во обраќањето пред Европскиот парламент
Новинарите во Грција започнаа 24-часовен штрајк
Новинарите во Грција, организирани од Грчката федерација на новинарски асоцијации во која учествуваат сите новинарски здруженија, од пет часот утрово започнаа 24-часовен штрајк со што земјата денеска ќе биде без вести и информативни емисии