Белград и Приштина постигнаа спогодба во февруари 2023, а еден месец подоцна во Охрид договорија и анекс и јасни насоки како да се применува спогодбата. Спогодбата и Анексот станаа составен дел од преговарачкиот процес за пристапување во членство за ЕУ за Косово и Србија.

Петер Соренсен, дански дипломат со повеќегодишно искуство на Западниот Балкан го наследува Мирослав Лајчак на местото специјален претставник на ЕУ за дијалогот меѓу Белград и Приштина. Тој ќе ја преземе должноста од први февруари, а ќе биде задолжен за дијалогот кој треба да придонесе за нормализација на односите меѓу Србија и Косово.

Соренсен го очекуваат многу нерешени прашања, а веднаш штом ќе го преземе мандатот, го очекуваат општи избори на Косово на 9-ти февруари.

Соренсен е присутен на Балканот уште од 90-тите години. Поранешен воен офицер и правник, тој беше советник на Посматрачката мисија на ЕУ во Бивша Југославија, а потоа стана советник на високиот претставник во Сараево.

На крајот од 90-тите години беше виш советник на шефот на ОБСЕ во Хрватска.

Соренсен беше и личен претставник на комесарот за надворешна политика на ЕУ Хавиер Солана од 2006-2010 година во Белград. Од Белград се пресели во Скопје каде што беше на чело на делегацијата на ЕУ една година, а од Скопје замина за Сараево, каде што ја извршуваше истата функција во следните три години.

Тој постојано повторува дека балканските земји и припаѓаат на ЕУ, а се залага за борба против дискриминација, особено жените и децата, како и луѓето со инвалидитет и ЛГБТ заедницата.

Неговиот претходник Мирослав Лајчак на местото пратеник на ЕУ за дијалогот меѓу Белград и Приштина дојде во април 2020. Неговиот мандат го обележаа многу непријатности. Приштина во 2021 и 2022 најавуваше дека регистарските таблички што ги издава МВР на Србија мора да бидат заменети со косовски, но локалните Срби на северот на Косово протестираа поставувајќи барикади на патиштата, па примената беше одложена.

Незадоволството ескалираше во ноември 2022 кога Србите соопштија дека излегуваат од сите институции на косовските власти. Лајчак тогаш повикуваше на смирување на напнатоста, но Србите сепак не се вратија на работните места.

Уследи дипломатска офанзива на Франција и Германија, а според нивниот предлог Белград и Приштина постигнаа спогодба во февруари 2023, а еден месец подоцна во Охрид договорија и анекс и јасни насоки како да се применува Спогодбата. Спогодбата и анексот станаа составен дел од преговарачкиот процес за пристапување во членство за ЕУ за Косово и Србија.

17 години по прогласувањето на независност Косово го има признато околу 100 земји, иако точниот број не е познат. Приштина тврди дека Косово го имаат признато 117 земји, но Белград тврди дека оваа бројка е далеку помала.

Меѓу земјите на ЕУ што не го признаваат Косово се Шпанија, Словачка, Кипар, Грција и Романија, а кога станува збор за светските сили Косово не го признаваат Русија, Кина, Бразил и Индија.

Би Би Си

 

Слични новости

Европа не е играчка на Трамп

Европа не е играчка на Трамп

Клучот на секоја европска стратегија би требало да почива на сознанието дека парадоскално, 20 јануари не беше само почетокот на вториот мандат на Доналд Трамп, туку и врвот на неговото глобално влијание. Потоа, неговиот пат ќе оди само надолу.

Исклучете ги алгоритмите

Исклучете ги алгоритмите

Ова е криза. Либералната демократија ќе биде распарчена доколку Урсула фон дер Лајен не преземе нешто брзо. Американските и кинеските технолошки олигарси ги контролираат алгоритмите кои го обликуваат начинот на кој Европејците го гледаат светот на социјалните мрежи.

Австралија Опен: Киз и Швјонтек се соочуваат во полуфиналето

Австралија Опен: Киз и Швјонтек се соочуваат во полуфиналето

Познати се сите полуфиналистки на Австралија опен, Белорусинката Арина Сабаленка, која би можела да стане првата тенисерка со три последователни титули во Мелбурн по Мартина Хингис, и на Шпанката Паула Бадоси во средата им се придружија Американката Медисон Киз и Полјачката Ига Швјонтек