Зохран Мамдани, 34 годишниот демократски социјалист кој наскоро ќе стапи на должноста градоначалник на Њујорк е првиот муслимански и јужноазиски лидер на овој град. Тој е роден во Кампала ( Уганда) кратко живеел во Јужна Африка, а потоа негоото семејство се преселило во Њујорк, пишува Скај њуз.
Неговата мајка е филмската режисерка Мира Наир, а татко му е Махмуд Ммдани професор по антрополигија на универзитетот Колумбија. Пред политиката, Мамдани беше рапер под името „ Young Cardamom“, а подоцна само „Mr Cardamom“, а создаваше музика дури и за филмовите на Дизни.
Мамдани е оженет со Рама Дуваџи, сириско-американска уметничка која ја запозна преку апликацијата „Hinge“ годинава.
Работеше како советник за домување и им помагаше на сопствениците на куќи со ниски примања да се борат проив иселувањата од нивните домови. Мамдани беше избран во Државното Собрание на Њујорк во 2020.
За време на мандатот тој се залагаше за бесплатни автобуси и бесплатна нега за децата, изградба на нови социјални станови, зголемување на минималната надница која би се финансирала од зголемени даноци врз богатите, како и вработување на нои наставници и замрзнување на киријата за веќе закупените станови.
Мамдани отворено го критикуваше Израел, ја поддржува палестинската држава и бара значајно зголемување на данокот за богатите.
Неговите ставови предизвикуваат поделби во Демократската партија, но ја доби поддршката на сенаторот Берни Сандерс.
Американскиот претседател Доналд Трамп жестоко го критикува Мамдани кого го нарекува комунист и ја оспорува неговата способност да го води Њујорк.
Мамдани во вторникот победи на изборите за градоначалник на Њујорк, а заклетва ќе положи за Нова Година.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми