Основното Обвинителство во Приштина ја овласти косовската полиција да започне истрага за паѓањето на веб-страницата на Централната изборна комисија (ЦИК) на Косово, што се случи за време на пребројувањето на гласовите од парламентарните избори одржани во неделат
„Соопштуваме дека Основното обвинителство во Приштина ја овласти косовската полиција да преземе истражни дејствија или мерки во соработка и координација со надлежните институции за каква било злоупотреба или манипулација со гласови по исклучувањето на веб-страницата на ЦИК“, се вели во соопштението на Обвинителството.
Во неделата, околу 21 часот, „падна“ сајтот на ЦИК, а од оваа институција тврдат дека тоа било резултат на технички проблеми „поради големиот интерес“.
Косовскиот премиер Албин Курти во понеелникот прогласи победа на неговото движење Самоопределување (VV) на парламентарните избори на 9. февруари, но тој нема да може сам да формира влада.
Прелиминарните резултати покажуваат дека Самоопределување ќе има околу 47 пратеници во новото косовско Собрание, со освоени 41 отсто од пребројаните гласови. Втора е опозициската Демократска партија на Косово со 22,19 отсто добиени гласови, потоа Демократскиот сојуз на Косово со 17,62 отсто од гласовите и Алијансата за иднината на Косово (ААК) (7,61 отсто).
Српската листа, најголемата партија на косовските Срби освои 4,2 отсто од гласовите и, според нејзините лидери, ќе ги освои сите 10 места во парламентот што и се загарантирани на српската заедница
Право на глас имаа нешто повеќе од два милиони граѓани, а на гласање излегле 40,51 отсто од нив.
Слични новости
На Санторини смирена ситуацијата со земјотресите, Мицотакис порачува дека Грција е безбедна земја
Најверојатното сценарио за сеизмичката активност во морскиот дел меѓу Санторини и Аморгос, според претседателот на Организацијата за антисеизмичко планирање и заштита на Грција (ОАСП) Ефтимиос Лекас е постепена деескалација на појавата, додека во изминатите два дена не беше регистриран поголем земјотрес, а грчкиот премиер Кирјакос Мицотакис порача дека Грција е безбедна земја
Пицула: На Србија ѝ недостига реален напредок кон ЕУ
Србија изминатите години нема вистински напредок на нејзиниот пат кон Европска Унија, изјави денеска известувачот на Европскиот парламент за Србија, Тонино Пицула, пред европратениците од Парламентарната комисија за надворешни работи.
Мицотакис: Потребно е Европа да се разбуди од геополитичката и економската летаргија
За жал, неодамнешните случувања и овој различен поглед на работите од САД веќе нè обврзуваат,не само да се соочиме со вистината, туку да се движиме со многу голема брзина и да ги спроведеме одлуките за кои долго разговараме, посочи грчкиот премиер Кирјакос Мицотакис за време на неговото учество на „Thessaloniki Summit“.