Концерт на Влатко Стефановски во Белград

Македонскиот музичар и виртуоз на гитара Влатко Стефановски со своето трио и гости, одржа концерт во 2МТС салата“ во Белград, а кај публиката создаде емоции уште при уводната изведба на песаната „Македонско девојче“.

Енергичната атмосфера и величествениот звук со секоја нова мелодија одново го покажуваа мајсторството на познатиот македонски гитарист. Влатко Стефановски во неговата кариера која трае половина век, со групата „Леб и сол“, но и со соло настапите, се покажа како извонреден инструменталист, пишува белградска „Политика“.

Весникот коментира дека посебно го прослави вештото комбинирање на етно-џезот, рокенролот, џез фјужнот и македонската традиционална музика со непарни ритмови.