Трилерот „Конклава“ за изборот на папата и историската драма „Бруталист“ беа големите победници на филмските награди БАФТА во неделата вечерта, со по четири награди.
„Конклава“, кој ги предводеше наградите со 12 номинации, освои признание за најдобар филм, како и извонреден британски филм, најдобро адаптирано сценарио и најдобра монтажа.
„Бруталист“, приказната за унгарскиот архитект кој се обидува да изгради живот во САД по Втората светска војна, исто така беше во трката за најдобар филм. Режисерот Брејди Корбет и актерот Адриен Броди добија БАФТА за најдобар режисер и најдобар актер, соодветно.
„Бруталист“ освои и награди за најдобра оригинална музика и камера.
Во едно од најголемите изненадувања на вечерта, Мајки Медисон ја доби наградата за најдобра актерка за улогата на егзотична танчерка вклучена во врска со син на руски олигарх во филмот „Анора“.
Меѓу номинираните за најдобар филм беше „Емилија Перез“, кој меша елементи на мјузикл и криминална драма и ја освои наградата во категоријата странски филм.
Зои Салдана ја доби наградата за споредна женска улога за нејзината улога на адвокатка која му помага на шефот на мексиканскиот картел да ја лажира својата смрт и да се трансформира од маж во жена.
Киеран Калкин ја доби наградата за најдобра споредна машка улога за драмедијата „Вистинска болка“, која исто така ја освои наградата за најдобро оригинално сценарио.
„Емилија Перез“ беше фаворит на почетокот, но кампањата на филмот го загуби моментот по контроверзите околу актерката Гаскоњ, која се извини за нејзините поранешни објави на социјалните мрежи во кои ги навредува муслиманите и другите групи и рече дека ќе се повлече од центарот на вниманието за да му помогне на филмот подобро да мине во трката по Оскарите.
Слични новости
Тејлор Свифт заработила над 100 милиони долари од стриминг платформата Спотифај
Британскиот весник Дејли Меил објави дека Тејлор Свифт заработила 103,5 милиони долари од услугите на стримиг платформата Спотифај за 2024.
Де Ниро во двојна улога во мафијашкиот филм „The Alto Knights“
Славниот холивудски актер Роберт де Ниро игра не еден туку два главни лика во биографската криминалистичка драма „The Alto Knightsто“ која наскоро доаѓа во кината
„Одисеја “ на Кристофер Нолан го додаде актерот Рајан Хурст во големата актерска екипа
Студиото Универзал претходно соопшти дека кастот на „Одисеја“ ги вклучува А холивудските глумци Мет Дејмонд, Том Холанд, Зендеја, Робер Патинсон, Ен Хатавеј, Шарлиз Терон и Џон Бернтал.