Трилерот „Конклава“ за изборот на папата и историската драма „Бруталист“ беа големите победници на филмските награди БАФТА во неделата вечерта, со по четири награди.
„Конклава“, кој ги предводеше наградите со 12 номинации, освои признание за најдобар филм, како и извонреден британски филм, најдобро адаптирано сценарио и најдобра монтажа.
„Бруталист“, приказната за унгарскиот архитект кој се обидува да изгради живот во САД по Втората светска војна, исто така беше во трката за најдобар филм. Режисерот Брејди Корбет и актерот Адриен Броди добија БАФТА за најдобар режисер и најдобар актер, соодветно.
„Бруталист“ освои и награди за најдобра оригинална музика и камера.
Во едно од најголемите изненадувања на вечерта, Мајки Медисон ја доби наградата за најдобра актерка за улогата на егзотична танчерка вклучена во врска со син на руски олигарх во филмот „Анора“.
Меѓу номинираните за најдобар филм беше „Емилија Перез“, кој меша елементи на мјузикл и криминална драма и ја освои наградата во категоријата странски филм.
Зои Салдана ја доби наградата за споредна женска улога за нејзината улога на адвокатка која му помага на шефот на мексиканскиот картел да ја лажира својата смрт и да се трансформира од маж во жена.
Киеран Калкин ја доби наградата за најдобра споредна машка улога за драмедијата „Вистинска болка“, која исто така ја освои наградата за најдобро оригинално сценарио.
„Емилија Перез“ беше фаворит на почетокот, но кампањата на филмот го загуби моментот по контроверзите околу актерката Гаскоњ, која се извини за нејзините поранешни објави на социјалните мрежи во кои ги навредува муслиманите и другите групи и рече дека ќе се повлече од центарот на вниманието за да му помогне на филмот подобро да мине во трката по Оскарите.
Слични новости
Парамаунт сака да сними биопик за Евил Каневил со Леонадро ДиКаприо и Едријан Броди
Студиото Парамаунт се обидува да обезбеди врвен каст со оскаровците Леонардо ДиКаприо и Едријан Броди за биопикот што сака да го снима за моторџијата Евил Каневил
Шон Диди Комбс се соочува со нови обвинувања пред судењето во мај
Хип хоп пејачот Шон Диди Комбс се соочува со нови обвиненија во кои се наведува дека тој ги принудувал вработените да работат дополнителни работни часови под закана, како и дека принудил најмалку една вработена да се впушти во сексуални односи со него
ТВ рејтинзи: Обраќањето на Трамп во Конгресот го следеа 36,6 милиони гледачи
Ова е повеќе од последните три обраќања во Конгресот на неговиот претходник Џо Бајден, но е помалку од обраќањата на Трамп во Конгресот за време на неговиот прв претседателски мандат кои во просек ги гледаа44,3 милиони Американци.