Поранешниот менаџер на Ливерпул, Јирген Клоп, изјави дека е уверен дека Арне Слот ќе ги извлече „Црвените“ од тешка позиција по четирите последователни порази.
Ливерпул одлично ја започна новата сезона, забележувајќи пет победи во Премиер лигата и една во Лигата на шампионите. Сепак, претрпе порази дома од Кристал Палас, Челзи и Манчестер Јунајтед, и еден пораз на гости од Галатасарај во Лигата на шампионите. По осум натпревари во Премиер лигата, Ливерпул е трет, четири бода зад лидерот Арсенал. Исто така, имаше многу критики за скапите потписи на Флоријан Вирц и Уго Екитике.
„Ќе мора да си ги изедете зборовите ако пишувате лошо за Вирц. Тој е неверојатен талент. Екитике е исто така фантастичен играч. Не мора да се грижите за Ливерпул, сè ќе биде во ред“, изјави Клоп за подкастот CEO Diary.
Германскиот тренер го водеше Ливерпул девет години, заминувајќи на крајот од сезоната 2023-24. Во тој период, тој го предводеше клубот до освојување на Лигата на шампионите во 2019 година и титулата во англиското првенство (2019-20). На негово место дојде Холанѓанецот Арне Слот, кој ја освои титулата во Премиер лигата во својата прва сезона. Клоп, во меѓувреме, ја презеде функцијата шеф на фудбалскиот тим на Ред Бул на почетокот на оваа година.
„Го сакам она што го правам во моментов и воопшто не ми недостига тренерството. Не ми недостига стоењето на дожд два ипол часа или три прес-конференции седмично. Сè уште тренирам на одреден начин сега, но веќе не станува збор за фудбалери. Имам 58 години и тоа можеби им изгледа многу на некои, но не сум толку стар. Теоретски, можно е еден ден да се вратам во Ливерпул, бидејќи, како што реков, ако повторно тренирам во Англија, тогаш Ливерпул би бил единствената опција“, рече Клоп.
Слични новости
Тотенхем со понуда за Семењо во зимскиот преоден рок
Тотенхем е подготвен да плати 65 милиони фунти на Борнмут, колку што е откупната клаузула за напаѓачот од Гана Антоан Семењо и е подготвен да му понуди услови според кои би бил еден од најплатените фудбалери во клубот.
Паоло Дибала се враќа во Аргентина
Најзаинтересирана за Дубала е Бока јуниорс, а и самиот Дибала сака да игра за славниот клуб на еден од најпознатите стадиони во светот „Бонбоњера“.
Чаби Алонсо ќе добие отказ во Реал, ако тимот викендов не го победи Алавес
Управата на Реал Мадрид сака актуелниот тренер Чаби Алонсо да добие шанса и да остане на клупата на Реал Мадрид барем до јануари и дербито со Атлетико од Мадрид.