Киргистан објави дека ќе ја промени својата национална химна бидејќи ја смета за премногу советска, во уште една од низата мерки преземени за промена на државните симболи и зајакнување на националниот идентитет на оваа централноазиска земја и руски сојузник, но и земја во која сè уште живее духот на минатото на СССР.
Новоформираната парламентарна комисија е задолжена за промена на националната химна, извести во петокот агенцијата Kabar.
Сегашната химна, усвоена по падот на СССР во 1991 година, е идентична со советската химна и застарена, бидејќи, според претседателот Садир Јапаров, „таа само ја слави независноста, додека Киргистан е земја со историја стара 5.000 години“.
Јапаров затоа ја нараче оваа есен „да се напише химна која ќе ги инспирира младите и идните генерации“.
Претседателот на парламентот, Нурлан Чакиев, изјави дека новата химна ќе биде готова до април и ќе биде лесна за пеење за сите на возраст од пет до 95 години.
По падот на СССР, Киргистан не започна политика на декомунизација, а спомениците на Владимир Илич Ленин сè уште можат да се видат низ планинската земја, иако беа преименувани имињата на некои места и градови. Исто така, во земја каде што рускиот сè уште е официјален јазик, сѐ посилно се промовира киргистанскиот јазик.
Знамето исто така беше сменето минатата година, на кое сега има жолто сонце со стилизиран приказ на јурта на црвена позадина.
Слични новости
„Денот на Шакалот“ со досега највисок рејтинг за серија на Скај
Денот на Шакалот“ и официјално стана серија со највисок рејтинг било кога емитувана на Скај. Првата епизода имаше гледаност од 4,5 милиони во Велика Британија
Шкотската уметничка Џеслин Каур добитничка на наградата „Тарнер“
Шкотската уметничка Џаслин Каур ја освои во Лондон наградата „Тарнер“, британската награда за современа уметност која слави 40 годишнина.
Изложба на украдени дела на Савладор Дали и Џорџо Де Кирико во Милано
Повеќе од 80 слики и скулптури на салвадор Дали и Џорџо Де Кирико се најдоа на изложба во галеријата Палацо Реале во Милано, откако италијанските власти ги пронајдоа во повеќе полициски истраги на перење пари.