Кинескиот стартап DeepSeek AI Assistant го престигна во понеделникот во САД домашниот конкурент ChatGPT и се најде на врвот на листата на најдобро оценети бесплатни апликации во App Store на „Apple“.
Двигателот на кинеската апликација за вештачка интелигенција е моделот DeepSeek-V3, за кој неговите креатори велат дека е „на врвот на скалата за модели со отворен код и се натпреварува со најнапредните модели со затворен код на глобално ниво“.
DeepSeek беше воведен во понудата во САД на 1 октомври и привлекува корисници со забрзано темпо, покажаа податоците од истражувачката компанија „Sensor Tower“.
Кинеската апликација, исто така, ја импресионираше Силиконската долина, фундаментално менувајќи го широко распространето мислење дека САД се на прво место во светот во областа на вештачката интелигенција и дека контролите на извозот ефикасно ги попречуваат кинеските капацитети во софистицираните сектори на чипови и вештачка интелигенција.
За обука на модели базирани на вештачка интелигенција, како што се ChatGPT и DeepSeek, потребни се „моќни“ чипови, а поранешниот американски претседател Џо Бајден ги заостри ограничувањата за нивниот извоз во Кина од 2021 година за да ја зацврсти водечката позиција на САД во секторот.
Оттогаш, овој детал беше побиен, но тврдењето дека чиповите што се користат за обука на DeepSeek-V3 се послаби од најмоќните производи на „Nvidia“ кои Вашингтон се обидуваше да ги држи подалеку од Кина, а ниските трошоци ги „посеаа“ меѓу извршните директори на американските компании сомнежи за ефективноста на механизмите за контрола на извозот, напомнува Reuters.
Не се знае многу за компанијата зад DeepSeek. Малиот стартап со седиште во Хангжу е основан во 2023 година кога кинескиот пребарувач Baidu го претстави првиот кинески модел со вештачка интелигенција. Десетици кинески технолошки компании, големи и мали, оттогаш тргнаа по нејзините стапки, но DeepSeek е првата компанија која заработи пофалби од американскиот технолошки сектор.
Слични новости
Цените на гасот во Европа на највисоко ниво од есента 2023.
Цените на гасот во Европа во понеделникот го достигнаа своето највисоко ниво за нешто повеќе од една година, со зголемена побарувачка поради ниските температури и укинувањето на ценовната граница ширум Европската унија
Минималната кошница ќе ја формираат сикдикатите, ДЗС, ОПМ и министерствата за финансии и за економија
Не е постигнат договор за минималната плата, но ќе има официјална потрошувачка кошница што ќе ја креираат синдикатите, Државниот завод за статистика, Организација на потрошувачи, како и министерствата за економија и за финансии
Aнгеловска-Бежоска: Реформите се важен фактор за привлекувањето странски инвестиции
Реформите, вклучувајќи го и усогласувањето на нашата регулатива и практики со европските, се значаен фактор за привлекување странски директни инвестиции. А странските директни инвестиции во малите економии како нашата вообичаено се еден од двигателите на економскиот раст“, истакна гувернерката на Народната банка