Кинеските тајконаути (астронаути) Каи Ксуже и Сонг Лингдонг завршија деветчасовна мисија надвор од вселенската станица Тиангонг, соборувајќи го претходниот рекорд на вселенска прошетка, објави Кинеската вселенска агенција CMSA.
Податоците на американската вселенска агенција NASA покажуваат дека претходниот рекорд но за американски астронаути бил осум часа и 56 минути, поставен од Џејмс Вос и Сузан Хелмс во 2001 година.
Според тие податоци, руските космонаути наводно не ја надминале оваа бројка, а американските астронаути исто така се вклучени во Гинисовата книга на рекорди како светски рекордери.
За време на вселенската прошетка, кинеската мисија требаше да постави штитови на вселенската станица за да ја заштити од вселенски отпад и да прегледа различни инструменти.
Астронаутите го поставија кинескиот рекорд од осум часа и 23 минути во мај. Продолжените вселенски прошетки се овозможени со новите дизајни на вселенски одела.
Вселенската станица Тиангонг (Небесен дворец) е клучна компонента на кинеската вселенска програма со екипаж. Станицата во форма на „Т“ се состои од централен јадро модул и два лабораториски модула. Во моментов на станицата има тројца астронаути кои пристигнаа во октомври на шестмесечен престој.
Кина се стреми кон водечка улога во истражувањето на вселената. Неодамна изврши неколку мисии на Месечината и спушти ровер на Марс.
Слични новости
Гниење на мозокот ( Brain rot) избран за збор на годината од Оксфорд
Оксфорд за збор на годината го избра „гниењето на мозокот“ (Brain rot). Како што објаснуваат од Оксфорд овој поим значи „затупување“ на мозокот настанот од бескрајно „скролање“ на социјалните мрежи.
Бокс офис: Моана 2 достигна 600 милиони заработка за само две недели
Анимираниот блокбастер на Дизни Моана 2 продолжи да урива рекорди на Бокс офисот, достигнувајќи заработка од 600 милиони долари за само две недели прикажување. Во Америка филмот за викендот заработи 52 милиони долари, а во другите земји 103,4 милиони долари.
Дали Британците се одљубуваат од чајот и станува ли „старечки пијалок“?
Шолја топол чај, онаа типична и суштинска британска традиција во која луѓето на Обединетото Кралство уживале стотици години, одговорот на секоја криза, ритуалот на поврзување кога ќе дочекате некого во вашиот дом и првиот пијалок со кој многумина се будат, помладите Британци се чини дека повеќе и не е толку популарен.