Кинескиот извоз забавил во мај, покажаа царинските податоци обавени во понеделникот, што одразува остро намалување на пратките стоки во САД.
Вредноста на вкупниот извоз на Кина се зголеми за 4,8 отсто во мај во споредба со истиот период минатата година. Во април, тие скокнаа за 8,1 отсто.
Кинескиот извоз во САД, мерен според вредноста на испорачаните стоки, потонал за 34,5 отсто, најмногу од почетокот на пандемијата ковид-19 во февруари 2020 година, што ја наруши глобалната трговија.
Увозот на стоки во Кина, исто така, значително се намалил во мај, за 3,4 отсто. Во април, остана повеќе или помалку на нивото од истиот месец минатата година.
Увозот на американски стоки потонал за 18,1 отсто, по падот од 13,8 отсто претходниот месец.
Скокот на кинескиот извоз во првите месеци од пролетта ги покажува напорите на купувачите да ги предвидат најавените американски царини, кои беа воведени врз Кина и остатокот од светот од страна на кабинетот на американскиот претседател Доналд Трамп.
Вашингтон и Пекинг во меѓувреме ги суспендираа царините за да преговараат за прилагодување на трговијата. Автомобилската индустрија беше особено загрижена од построгата контрола на извозот на технолошки минерали од страна на Кина.
Минатиот четврток кинескиот претседател Кси Џинпинг телефонски разговараше со својот американски колега Доналд Трамп, а трговските претставници на Кина и САД треба да се сретнат подоцна денеска во Лондон.
Слични новости
Трамп ја дозволи продажбата на Ју Ес стил за 14,9 милијарди долари на јапонскиот Нипон стил
Нипон стил потврди дека презема 100 роценти од сопствеништвото врз американската компанија, а оваа спогодба вклучува и 11 милијарди долари нови вложувања до 2028, како и обврски во поглед на управувањето, производството и трговијата.
Расте јазот меѓу богатите и сиромашните во Европа
Според податоците од Европската централна банка (ЕЦБ), најбогатите 10% од населението во Еврозоната поседувале 57,3% од вкупното нето богатство на домаќинствата во последниот квартал од 2024 година
Американските берзански индекси дополнително паднаа откако Иран возврати на нападот на Израел
Во Соединетите Американски Држави, берзанскиот индекс Dow Jones падна за повеќе од 800 поени, или за околу 2 насто, додека S&P 500 и Nasdaq, паднаа за околу 1 насто.