Кинеската технолошка компанија „„ByteDance“, во чија сопственост е платформата за размена на кратки видеа TikTok ќе побара „итно појаснување од албанската влада“ во врска со одлуката за затворање на платформата на една година во Албанија, објавија албанските медиуми.
Кинеската компанија наведува дека не нашла докази дека сторителот или жртвата на тепачката пред училиштето „Фан Ноли“ во Тирана, имал сметки на оваа платформата и дека бројните извештаи потврдиле дека видеата кои довеле до оваа трагедија биле објавени на друга платформа.
Според одлуката што ја објави вчера премиерот Еди Рама, во 2025 година платформата Тик Ток нема да биде достапна на територијата на Албанија на која било возраст, како дел од планот за зголемување на безбедноста во училиштата.
„Одлуката е донесена по едномесечните консултации меѓу претставниците на образованието и родителите, по убиството со нож на 14-годишниот Мартин Цани, ученик во училиштето ‘Фан Ноли’, за време на конфликт со друг ученик од истото училиште, што се случи на 18 ноември 2024 година. На одлука и претходеа 1.300 средби на кои присуствуваа 65 илјади родители. Во Република Албанија повеќе нема да има TikTok“, рече Рама.
На средбите платформата е обвинета за „поттикнување насилство и злоставување, особено меѓу децата“, а албанските експерти оценуваат дека токму децата ја сочинуваат најголемата група корисници на ТikTok во земјата.
Албанија е прва земја во регионот која го блокира ТikTok.
Слични новости
Десетици илјади на протести во Белград и во Ниш
Големиот студентски протест во центарот на Белград, на кој се приклучија земјоделци и бројни граѓани, започна со скандирања „Вучиќ, оди си“ и „Рацете ви се крвави“.
Вучиќ порача дека нема да има преодна влада во Србија; СПЦ со загриженост следи атмосфера на конфронтација во општеството
Српскиот претседател Александар Вучиќ изјави во неделата дека нема да има преодна влада, преки која опозицијата бара „да дојде на власт без избори“
Хрватските училишни синдикати најавија мирен марш како „порака за безбедни училишта“
Три училишни синдиката го повикаа во неделата пред Учителскиот дом во Загреб своето членство и јавноста да им се придружат во понеделник попладне во поворката со цел да се подобри безбедноста на училиштата