Пекинг има причини за загриженост. Постои опасност Трамп да премине на финансиски санкции врз Кина, какви што САД и ЕУ и воведоа на Русија. Ако се случи тоа, кинеското раководство ќе биде принудено да БРИКС да воспостави монетарен систем со јуанот како носечка валута и кинескиот трговски суфицит како негова база.
По враќањето на Доналд Трамп во Белата куќа, најголемата грижа на кинеските лидери не се најавените високи царини за кинеските производи. Тие знаат дека подигнувањето на царините за Трамп е поважно како политички и симболички чин, отколку како економско оружје кое навистина би можел да го загрози растот и напредокот во Кина.
Главната дилема пред која е соочена Кина во овој момент е дали треба да се исклучи од меѓународниот монетарен систем во кој доминира доларот, така што групацијата на големи глобални економии позната како БРИКС, ќе ја трансформира во аранжман сличен на оној од Бретон Вудс.
Одговорот на тоа прашање не зависи од царините или од судбината на ТикТок, туку од тоа дали јастребите во администрацијата на Трамп ќе успеат да предизвикаат конфронтација која ги надминува царините и влегува во теренот на финансиските санкции.
Како оружје за покорување на Кина царините се преценети, особено во комбинација со ветените даночни олеснувања и радикалната дерегулација.
Тоа се потези кои ќе ги зголемат профитити и цените на акциите во САД, забрзувајќи го приливот на странскиот капитал.
Дефицитот на федералниот буџет ќе продолжи да расте, а доларот и натаму ќе се засилува – со што ќе се ублажи негативниот ефект од царините врз кинескиот извоз, се додека инвеститорите веруваат дека добивката од американските државни обврзници ќе заостанува зад растот на берзата на американските индекси. Јазот меѓу домашното штедење и вложувањата -што е главата причина за трговскиот дефицит на САД во однос на Кина и Европа, само ќе се зголемуваат.
Кинеските лидери претпоставуваат дека Трамп ќе се обиде да им го направи она што Реган им го направи на Јапонците пред 40 години. Кина може да избира меѓу значајно зголемување на вредноста на јуанот и високите царини на кинексите стоки. Тоа не доведува до политичката и геостратегиската димензија на овој проблем.
Трамп знае дека Кина не е Јапонија, чиј повоен Устав го пишуваа Американци и каде што сеуште се стационирани 55 000 американски војници. Исто така, Кина веќе не е зависна од американскиот пазар како некогаш, благодарение на диверзификацијата и синџирите за снабдување кои се целосно нејзини, а успеа да ги направи незаменливи во целиот свет. Мали се шансите Кинезите да се согласат на зголемување на вредноста на јуанот. Кинеските лидери добро знаат дека ревалуацијата на јенот од Плаза спогодбата пред 40 години беше главната причина за трајното забавување на јапонскиот индустриски и финансиски раст.
Дигитално-технолошкиот ѕид кој се издигнува меѓу Кина и САД веќе им носи бенефит на големите компании во двете земји. Огромен број инженери во Кина со големи чекори напредуваат во производството на напредни микрочипови со чија технологија Кина немаше да овлада да не беше првата студена војна меѓу двете земји за време на првиот мандат на Трамп. Оваа политика Џо Бајден не само што ја презеде, туку и ја ескалираше.
Од друга страна американската концентрација на капитал во облак, нејзината посветеност во дигиталните истражувања и развој и најавените царини на Трамп, веќе ги поттикнаа европските компании своите инвестиции да ги пренасочат кон САД. Накусо, ако некој има причини за очај поради царините на Трамп, тоа е Европа, а не Кина.
Но, Пекинг има причини за загиженост. Постои опасност Трамп да премине на финансиски санкции врз Кина, какви што САД и ЕУ и воведоа на Русија. Ако се случи тоа, кинеското раководство ќе биде принудено БРИКС да воспостави монетарен систем со јуанот како носечка валута и кинескиот трговски суфицит како негова база.
Јанис Варуфакис
Слични новости
Зошто Трамп предлага состанок со Путин во Саудиска Арабија
Експертите за блискоисточни прашања сметаат дека организирањето на состанокот меѓу Трамп и Путин би го зголемило влијанието на Ријад како клучен регионален играч и дека оваа дипломатска услуга САД би ја наплатиле за поголемо учесто на земјата во американските стратегиски интереси.
Новиот план на Трамп за крај на војната во Украина
Во идните преговори, Украина веројатно ќе загуби и територии. Трамп рече дека Киев не би требало да очекува враќање на границите пред 2014 кога Русија го анектираше Крим. Русија „зазеде многу земји, се бореа за тие земји и загубија многу војници“ наведе Трамп.
Како може контроверзниот Роберт Кенеди да влијае врз светското здравје
Роберт Ф. Кенеди, правник за животна средина кој е често критикуван поради застапување на контроверзни и демантирани научни и медицински тврдења, е назначен за нов министер за здарвство во администрацијата на Доналд Трамп.