Кина во средата поднесе тужба против Индија во Светската трговска организација (СТО – WTO), наведувајќи дека Њу Делхи ги крши трговските правила што ја забрануваат замената на увозот со субвенционирање на домашното производство на електрични возила и батерии.
Кина во средата побара консултации со Индија во рамките на СТО за решавање на прашањето за индиските субвенции за производство на електрични возила и батерии, изјави портпаролот на кинеското министерство.
Субвенциите на Индија кршат неколку обврски на СТО, вклучувајќи го и принципот на национален третман, кој забранува дискриминација меѓу домашните и увезените стоки и услуги. Мерките на Индија всушност се субвенции насочени кон замена на увозот, што СТО изрично го забранува, истакна портпаролот на кинеското министерство.
„Мерките обезбедуваат нефер конкурентска предност за домашните индиски производители и им штетат на интересите на кинеските компании“, рече портпаролот додавајќи дека Пекинг ќе преземе мерки за заштита на нивните „легитимни права и интереси“.
Индија неодамна презеде неколку економски и трговски мерки за кои Пекинг тврди дека предизвикале сомнежи и покренале прашања за можно непочитување на принципите на СТО.
„Овие акции привлекоа големо внимание од другите членки на СТО. Ја повикуваме Индија да ги почитува своите обврски кон СТО и итно да ја исправи спорната практика“, изјави портпаролот на кинеското Министерство за трговија.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година