Кина најави дека сосема ги укинува царините за 53 африкански земји

Кина од Први мај сосема ќе ги укине царините на увоз од 53 африкански земји со кои има дипломатски односи, пренесоа кинеските државни медиуми.

Пекинг истовремено ќе ги продолжи преговорите за натамошен пристап на африкански стоки на кинескиот пазар низ надградени механизми, вклучувајќи и таканаречен „зелен канал“.

Укинувањето на царините и иницјативата за засилена трговска соработка е дел од стратегијата на Кина за засилување на односите со Африка, пренесува Ројтерс.