Кинеските компании ќе купат помалку машини за производство на чипови во 2025 година, бидејќи создадоа вишок во изминатите три години во очекување на построги американски извозни ограничувања, објави во средата консултантската компанија „TechInsights“.
Кина е најголемиот купувач на машини за производство на чипови најмалку во последните две години, со набавна вредност од 41 милијарда долари и 40 отсто удел во глобалната продажба во 2024 година, соопшти канадска истражувачка фирма за полупроводници.
Во 2025 година, трошењето на Кина за машини се очекува да се намали првпат од 2021 година, на 38 милијарди долари, со учество во глобалната трговија од само 20 отсто, вели аналитичарот на „TechInsights“, Борис Методиев.
„Гледаме мало забавување на кинеската потрошувачка поради извозните контроли и вишокот капацитети“, истакнува Методиев.
Кина беше глобален двигател на растот во глобалниот сектор на опрема за производство на полупроводници во 2023 и 2024 година, во услови на пад на повеќето пазари поради послабата побарувачка на потрошувачка електроника.
Бројни кинески компании ја забрзаа набавката на машини за да обезбедат снабдување поради американските санкции.
Кинеските производители на чипови развија нови производи и покрај обидите на Вашингтон да ги спречи, при што SMIC и „Huawei“ минатата година произведоа софистицирани полупроводници, користејќи поскапи и потешки техники.
Тие, исто така, значително го зголемија производството на полупроводници од постарата генерација, драстично зголемувајќи го производствениот капацитет и преземајќи го пазарниот удел од тајванските конкуренти.
Во такви услови, најголемиот кинески производител SMIC предупреди во средата на ризикот од прекумерна понуда во оваа категорија полупроводници.
Водечките кинески производители на машини, вклучително и „Naura Technology Group“ и AMEC, паралелно ги освојуваат пазарите ширум светот, а „Naura“ сега е на седмото место во светот според продажбата, забележа аналитичарот од канадската консултантска фирма.
„Кина презема конкретни мерки за максимално да ја покрие побарувачката на машини со домашно производство, а нејзина најголема слабост остануваат системите за литографија и алатките за тестирање и монтажа на чипови“, појаснува Методиев.
Најголемиот светски производител на литографски машини холандскиот ASML, додаде тој, истакнувајќи дека уделот на домашно произведените алатки за тестирање и склопување чипови во Кина во 2023 година бил само 17 и 10 проценти, соодветно.
Слични новости
Бојан Стојаноски од ВМРО ДПМНЕ најави дека во време на владеење на ВМРО-ДПМНЕ ќе се стави крај на криминалот на Пуцко Петрол
Пуцко Петрол 30 години имал статус на бела мечка во македонското општество, дозволено му било преку тендери да внесува што сака и како сака. Сега, во време на ВМРО-ДПМНЕ, ќе се стави крај на неговото криминогено однесување, порача пратеникот на ВМРО-ДПМНЕ.
Венс: Се очекува договор на високо ниво за ТикТок до 5 април
Тикток се соочи со проблеми во САД откако на 19 јануари стапи во сила закон со кој се бара од сопствениците на Тикток кинеската компанија Бајтденс да го продадат, поради загрозување на американската национална безбеност или во спротивно ќе биде забранет.
Цените на нафтата над 70 долари
Цените на нафтата се стабилизираа на меѓународните пазари во петокот над нивото од 70 долари, а инвеститорите проценуваат дека преговорите за ставање крај на руско-украинската војна ќе потрае и ќе го одложат враќањето на руската нафта на западните пазари