Кинеското министрство за трговија соопшти дека врши „целосна проценка“ на пресудата со која Врховниот суд на Соединетите Американски Држави минатата недела ги укина царините што САД ги воведоа за голем број на земји и го повика Вашингтон да ги укине „едностраните царински мерки“ кон своите трговски партнери.
Едностраните царини на САД ги кршат меѓународните трговски правила и домашните закони на САД и не се во интерес на ниту една страна.
Соработката меѓу Кина и САД е корисна за двете страни, но борбата е штетна, нагласува кинеското министерство за трговија.
Пекинг соопшти дека „внимателно ќе продолжи да го следи развојот на состојбата со царините во САД“ и дека цврсто ќе ги штити сопствените интереси.
Слични новости
Продолжува растот на цените на нафтата и гасот поради воената криза на Блискиот исток
Фјучерсите на европските цени на гасот скокнаа и за 33 насто на највисоко ниво од јануари 2023, откако Катар целосно го прекина производството на течен природен гас ЛНГ, по иранските напади со дронови врз клучните постројки за прозводство на гас.
Голем пад на европските компании на берзите
Акциите на европските компании забележаа голем пад на берзите откако САД и Израел започнаа напади врз Иран во текот на викендот. Паневропскиот СТОКС падна за 1,7 насто, при што главните берзи забележаа негативни резултати.
Ако продолжи војната на Блискиот исток цената на нафтата може да надмине 100 долари по барел
Аналитичарите предупредуваат дека повеќе немири, хаотичен вакуум во власта, напади што би го прекинале производството или продолжено затворање на клучниот Ормутски теснец би можеле да ја зголемат цената на нафтата на 100 долари за барел или повеќе.