Кина од 10 март ќе воведе дополнителни царини од 10 до 15 насто на одредени производи од САД, како одговор на новите тарифи за кинеска стока што ги наметна Вашингтон, соопшти министерството за финансии на Кина.
Американските медиуми објавуваат дека станува збор за одговор на Кина на дополнителните царини од 10 насто за кинеска стока, што стапија во сила ноќеска на полноќ според американско време. Кина претходно најави дека „ќе преземе контрамерки за одлучно да ги заштити своите права и интереси“.
Царините што ги воведе САД се додаваат на оние што ги воведе американскиот претседател Доналд Трамп на сите кинески увозни продукти од 4 февруари.
Кина која е еден од најголемите трговски партнери на САД одговори со воведување царини на производите од Америка, вклучувајќи јаглен, течен природен гас, сирова нафта и машини за земјоделство.
Портпаролот на министерството за трговија на Кина изјави дека царините што ги воведе САД нема да ги решат внатрешните проблеми на Америка и ќе штетат на трговската соработка меѓу Кина и САД, како и на нормалниот трговски поредок. Кина ги повика САД да ги почитуваат правата на други земји и веднаш да ги повлечат овие, како што ги нарекува Пекинг „неразумни и штетни тарифни мерки“.
Слични новости
ЕУ воведува контрамерки на американските царини
Европската комисија воведува контрамерки откако во средата стапија на сила американските царини за увоз на челик и алуминиум од Европската унија
Украина го прифати американскиот предлог за 30-дневен прекин на огнот со Русија, САД велат дека сè е до Русија сега
Украина се согласи на непосреден 30-дневен прекин на огнот во војната со Русија за време на разговорите со американските претставници во Саудиска Арабија, се вели во заедничката изјава на земјите, а Вашингтон веднаш ќе продолжи со споделување разузнавачки информации и „безбедносна помош“ за Украина
Трамп ги удвои царините за канадските метали
Американскиот претседател Доналд Трамп во вторникот ги удвои планираните тарифи за сите производи од челик и алуминиум што доаѓаат во САД од Канада на 50 отсто, како одговор на потегот на провинцијата Онтарио