Украина ги повика своите партнери да ја почитуваат нејзината позиција, додека техничката работа продолжува за проучување на планот поддржан од САД за завршување на војната, изјави во петокот висок украински функционер.
Секретарот на Советот за национална безбедност и одбрана, деловниот човек и до неодамнешен министер за одбрана Рустем Умеров, рече дека непроменливите принципи на Украина се „суверенитет, безбедност на народот и праведен мир“.
„Внимателно ги проучуваме сите предлози на нашите партнери и очекуваме ист коректен став кон позицијата на Украина“, рече Умеров во изјава за апликацијата Telegram.
Според планот поддржан од САД, во кој увид имал Reuters, Киев ќе мора да го отстапи целиот регион Донбас и да ја намали својата војска, услови што сојузниците на Украина долго време ги сметаат за еднакви на капитулација.
Планот вели дека Украина ќе мора да ја ограничи својата војска на 600.000 војници и ќе „добие силни безбедносни гаранции“, без да образложува, според Reuters. Агенцијата AFP, пак, претходно во четвртокот вечерта објави дека бројноста на украинската армија треба да се сведе на 400.000 припадници, речиси половина од редовниот состав пред почетокот на руската инавазија во февруари 2022 година.
Сега околу милион луѓе служат во украинските вооружени сили, бранејќи повеќе од 1.200 километри од фронтовската линија од поголема руска армија.
Предлозите прават неколку отстапки за Русија, вклучително и тоа дека САД ќе ги признаат Крим, Луганск и Доњецк како де факто руски и дека украинските сили ќе се повлечат од малиот пограничен дел од регионот Доњецк што го контролираат, но постепено го губат пред налетот на руските сили.
Претседателот Володимир Зеленски се сретна со секретарот на американската армија Даниел Дрискол, во Киев во четвртокот вечерта и по состанокот изјави дека Киев е подготвен да соработува „искрено“ со Вашингтон по ова прашање.
Извор запознаен со ова прашање за Reuters изјави дека американските претставници планираат да ги информираат амбасадорите на Европската унија во Киев за нацрт-планот подоцна во петокот.
Слични новости
Оштетени депо и вагони во близина на Киев во напад со руски беспилотни летала
Железничко депо и неколку вагони во близина на Киев беа оштетени во голем руски напад со беспилотни летала и ракети, соопшти украинската државна железничка компанија „Укрзализниција“ во саботата
САД: Укината препораката за вакцинирање на повеќето деца против хепатитис Б
Советниците за вакцини во САД во петокот ја укинаа долгогодишната препорака сите деца во САД да ја примат вакцината против хепатитис Б при раѓање, што претставува голема победа за министерот за здравство и човечки услуги Роберт Ф. Кенеди Џуниор, но експертите за болести стравуваат дека тоа ќе ги поткопа децениите напредок во јавното здравство
Канада ја тргна Сирија од листата земји спонзори на тероризмот
Канада ја отстрани Сирија од својата листа на држави „спонзори на тероризмот“ и ја отстрани исламистичката групација Хајат Тахир ал-Шам, лидерот на бунтовничкиот сојуз што го собори претседателот Башар ал-Асад, од својата листа на терористички организации, објави канадската влада