Капитенот на Реал Мадрид, Дани Карвахал, ќе мора да се подложи на операција на коленото, што ќе го остави надвор од терените два до три месеца.
„По прегледите спроведени од медицинската служба на Реал Мадрид, беше одлучено дека Карвахал ќе мора да се подложи на артроскопија“, објави „Кралскиот клуб“ без да прецизира колку време ќе трае неговото закрепнување.
Сепак, шпанските медиуми објавуваат дека закрепнувањето би можело да трае околу 10 седмици.
Веста за новата повреда на 33-годишниот дефанзивец дојде откако Карвахал ги одигра последните 19 минути од драматичната победа на Реал над Барселона. Сепак, тој почувствува проблеми со коленото кратко по завршувањето на натпреварот.
Проблемите со повредите на Карвахал траат повеќе од една година, откако тој скина лигамент на натпревар од Ла Лига против Виљареал на почетокот на октомври 2024 година, поради што мораше да го пропушти поголемиот дел од минатата сезона.
Иако се врати на теренот за време на полуфиналето на Светското клупско првенство во јули, оттогаш се мачеше со помали проблеми во мускулите.
Слични новости
Панатинаикос го победи Фенербахче во Истанбул
Во 16-тото коло од Евролигата се одигра дербито во Истанбул каде што Панатинаикос како гостин го победи Фенербахче со резултат 81:77. Мечот беше тврд и драматичен од почетокот до крајот на натпреварот.
Дензел Дамфрис опериран во Лондон, ќе паузира три месеци
Фудбалерот на Интер Дензел дамфрис нема да може да игра неколку недели поради повреда, соопшти вечерва тимот од Милано. Како што се наведува, врз Дамфрис била извршена операција на левиот скочен зглоб во Лондон.
НБА лига: Петта победа во низа на Денвер со нов „трипл-дабл“ на Јокиќ
Денвер Нагетс ја остварија својата петта победа по ред синоќа откако победија со 128:125 во продолжение против Хјустон Рокет