Откако студиото Марвел целосно го промени кастот на франшизата „Капетан Америка“ најновото продолжение „ Храбриот нов свет“ кој ја имаше премиерата на продолжениот викенд од Свети Валентин до недела, стигна до заработка од 100 милиони долари на американскиот Бокс офис и 192 милиони долари глобално.
Бројките на Бокс офисот за филмот се импресивни и далеку над очекувањата откако и критиката даде лоши оценки за филмот, а оценката на публиката е Б минус, најлоша оценка досега за филм на Марвел студијата.
Филмот е повеќе акциски отколку научно фантастичен филм, го режираше Џулис Она, а во главните улоги играат Ентони Маки, Харисон Форд и Дени Рамирез.
Втор на американскиот Бокс офис е анимираниот филм Падингтон во Перу, што е трето продолжение на франшизата. Филмот заработи 16 милиони долари на американскиот Бокс офис но дури 116 милиони глобално.
Викендов беше премиерата и на четвртото и последно продолжение на франшизата Бриџит Џоунс, кој заработи 35 милиони во кината и покрај тоа што веднаш почна да се прикажува на стриминг платформата Пикок во САД, како подарок на платформата за гледачите за празникот Свети Валентин.
Слични новости
„Одисеја “ на Кристофер Нолан го додаде актерот Рајан Хурст во големата актерска екипа
Студиото Универзал претходно соопшти дека кастот на „Одисеја“ ги вклучува А холивудските глумци Мет Дејмонд, Том Холанд, Зендеја, Робер Патинсон, Ен Хатавеј, Шарлиз Терон и Џон Бернтал.
Влезниците за добротворната забава на Амал и Џорџ Клуни ќе чинат 250 000 долари
Американскиот актер Џорџ Клуни и неговата сопруга Амал бараат 250.000 долари од гостите за да присуствуваат на нивната раскошна добротворна акција на нивниот имот на италијанското езеро Комо, пренесе Дејли меил.
На западната хемисфера ноќеска имаше целосно замрачување на „крвавата Месечина“
Помрачувањето на Месечината се случува кога Земјата се наоѓа меѓу Сонцето и Месечината, а трите небески објекти се редат во речиси совршен ред наречен сизигија.