Капетан Америка и натаму прв на американскиот Бокс офис

Капетан Америка: Храбриот нов свет и натаму е прв на американскиот Бокс офис со заработка од 28,3 милиони минатиот викенд, и покрај тоа што заработката му падна за огромни 68 насто во однос на премиерниот викенд.

Надвор од Америка филмот викендов заработи 35,3 милиони долари, со што вкупната заработка на филмот за две недели прикажување е импресивни 289 милиони долари.

На второто место на Бокс офисот е „Мајмунот“ на Озгуд Перкинс со заработка од 14,2 милиони долари. Станува збор за независна продукција која чини само 10 милиони долари, базирана на кус расказ на Стивен Кинг.

Кинеската анимирана сензација Не Жа која ја видоа 1,7 милијарда луѓе во кино салите со што стана анимиран филм со најголема заработка во историјата, во САД успеа да стигне само до петтото место на Бокс офисот, со скромна заработка од 3 милиони долари.