Канцелариите на американскиот Конгрес се предупредени да не ја користат апликацијата на кинеската вештачка интелигенција ДипСик, јави американскиот портал Аксиос, повикувајќи се на известување кое до канцелариите го упати главниот административен службеник на претставничкиот дом на Конгресот.
Појавата на евтиниот кинески модел за вештачка интелигенција ја загрози пазарната доминација на компаниите што беа лидери во вештачката интелигенција со седиште во САД како што се Чат ГПТ на ОпенАИ и Алфабет на Гугл.
Кинеската компанија за развој на вештачката интелигенција ДипСик објави отворена верзија на својот модел Р1 што предизвика огромно внимание на Силициумската долина, бидејќи напредниот модел според некои параметри е подобар од американските модели, а истовремено е направен за многу пониска цена.
Слични новости
Европа предупредува на економски штети од трансатлантската трговска војна
Високата претставничка за надворешна политика на Европската унија, Каја Калас, рече дека ако САД и Европа започнат трговска војна, „тогаш таа што се смее отсрана е Кина“
Експлозија во Москва: Високо рангиран проруски паравоен припадник почина во болница
Армен Саркисијан, висок припадник на проруските паравоени сили од источна Украина, почина во понеделник во болница од повреди здобиени во експлозија на бомба во станбен комплекс во Москва
Трамп: УСАИД го водат куп радикални лудаци
Американскиот претседател Доналд Трамп рече дека американската агенција за меѓународен развој (УСАИД) ја водат „куп радикални лудаци“ и дека со неа лошо се управува, како и дека ќе ги исфрли „лудаците“ од оваа агенција пред да донесе одлука за нејзината иднина.