Канада денеска им воведе царини на САД кои се однесуваат на увоз на американски стоки во вредност од околу 20 милијарди долари, соопшти канадското министерство за финансии.
Новите царини се однесуваат на 700 американски прозиводи и се во распон од 15 до 50 насто. Со царините се опфатени челикот, алуминиумот, земјоделската опрема и основни домашни потреби како тоалет хартија, пренесе Би Би Си.
Одлуката на канада уследи откако администрацијата на американскиот претседател Доналд Трамп виведе царини од 50 проценти на американски стоки и по неуспехот на трговските разговори меѓу канада и САД.
Претседателот на Канадската федерација на независни компании Ден Кели, која претставува повеќе од 100 000 мали и средни претпријатија, изјави дека најновата ескалација во трговската војна кај некои канадски фирми предизвикува чувство дека владата ги третира како потрошен материјал, затоа што царините ќе ги поскапат суровините што се увезуваат од САД.
Компаниите се чувствуваат како топовско месо во трговската војна, а тоа не е добро чуство. Трговската војна меѓу САД и Канада ќе ги погоди малите и средни претпријатија во Канада кои и онака се во тешка позиција, изјави Ден Кели.
Слични новости
Пад на вредноста на акциите на производителите на чипови во САД
Почетниот оптимизам на инвеститорите поради поевтинувањето на цената на нафтата по смирувањето на тензиите на Блискиот исток беше неутрализиран со наглиот пад на акциите на компаниите што произведуваат чипови.
Цената на нафата падна на најниско ниво за една недела поради надежите за смирување на судирот на Блискиот исток
Цените на нафтата продолжуваат да паѓаат и достигнаа најниско ниво за една недела, откако инвеститорите позитивно реагираа на сигналите дека судирот на Блискиот исток би можел да се смири по дипломатски пат.
Ауди најави големо ретсруктуирање поради падот на продажбата
Групацијата Ауди во чиј состав се и Ламборгини, Бентли и Дукати, во првите шест месеци од оваа година оствари приход од 29,2 милијарди евра, што е за 10 проценти помалку во однос на минатата година, пренесе Ројтерс.