Шлеперите трет ден остануваат паркирани на граничните премини. Камионџиите ги блокираат границите во регионот за товарен сообраќај, незадоволни од правилата за престој во Шенген-зоната, според кои, како и сите граѓани од земјите од Западниот Балкан, може да останат во Шенген зоната најмногу до 90 во 180 дена.
Велат, ние не одиме во ЕУ туристички, туку работиме. Ако половина од времето не може да работиме, бизнисот ќе пропадне. Најавено е дека на протестот ќе се придружат и меѓународните автобуски превозници, чии возачи исто така се засегнати од правилата. Бараат од Европската комисија да направи исклучоци за нив.
Повод за протестот е воведувањето на електронскиот систем за влез и излез во ЕУ, со кој контролите ќе бидат многу поригорозни. Правилото 90 од 180 дена важеше и досега, но ако претходно граничните службеници во ЕУ требаше да им ги бројат печатите во пасошите и поминатите денови, и често им прогледуваа низ прсти, сега системот, кој треба да стапи во сила од 10 април, веднаш ќе ги регистрира пречекорувањата.
Дополнително, со влезот на Хрватска, Бугарија и Романија, Шенген зоната сега е многу поголема. Камионџиите се жалат дека ако ги фати полиција во некоја од европските земји, за пречекување од само еден или два дена ги третира како криминалци.
Веднаш ги притвораат, ги носат во притвор два-три дена, ги третираат како криминалци и после ги депортираат за матичните земји, па дури и им ставаат забрана за влез од 3 месеци до една година, изјави претставник од Макам-транс.
Слични новости
Се зголемува поддршката за членство во ЕУ, повторно е над 70 проценти
Драстично зголемување на поддршката има кај етничките Македонци од дури 15 проценти, а таква промена е забележана и кај поддржувачите на ВМРО-ДПМНЕ, па од 43 проценти во 2023, доколку утре има гласање за влез во ЕУ, „за“ би гласале 70 проценти од нив.
Обвинителството отвори предмет за Заев и Филипче по тврдењата на Жан Митрев дека сакале да му ја земат болницата
Предистрагата е за Зоран Заев и за Венко Филипче, актуелниот лидер на опозицијата. Отворена е на последниот ден од мандатот на екс скопскиот обвинител Гаврил Бубевски, ден отако беше избран Анел Фидоски на таа функција која ја презеде со веќе отворен предмет за болницата.
Истече рокот за поднесување кандидатура за Државен јавен обвинител
Рокот на огласот што го распиша Собранието за избор на државен јавен обвинител на Република Северна Македонија истече на полноќ, а она што до сега се знае е дека на огласот се пријавиле пет кандидати.