Шлеперите трет ден остануваат паркирани на граничните премини. Камионџиите ги блокираат границите во регионот за товарен сообраќај, незадоволни од правилата за престој во Шенген-зоната, според кои, како и сите граѓани од земјите од Западниот Балкан, може да останат во Шенген зоната најмногу до 90 во 180 дена.
Велат, ние не одиме во ЕУ туристички, туку работиме. Ако половина од времето не може да работиме, бизнисот ќе пропадне. Најавено е дека на протестот ќе се придружат и меѓународните автобуски превозници, чии возачи исто така се засегнати од правилата. Бараат од Европската комисија да направи исклучоци за нив.
Повод за протестот е воведувањето на електронскиот систем за влез и излез во ЕУ, со кој контролите ќе бидат многу поригорозни. Правилото 90 од 180 дена важеше и досега, но ако претходно граничните службеници во ЕУ требаше да им ги бројат печатите во пасошите и поминатите денови, и често им прогледуваа низ прсти, сега системот, кој треба да стапи во сила од 10 април, веднаш ќе ги регистрира пречекорувањата.
Дополнително, со влезот на Хрватска, Бугарија и Романија, Шенген зоната сега е многу поголема. Камионџиите се жалат дека ако ги фати полиција во некоја од европските земји, за пречекување од само еден или два дена ги третира како криминалци.
Веднаш ги притвораат, ги носат во притвор два-три дена, ги третираат како криминалци и после ги депортираат за матичните земји, па дури и им ставаат забрана за влез од 3 месеци до една година, изјави претставник од Макам-транс.
Слични новости
Поднесено обвинение против три лица за кражба на кабли од кругот на „Железара“
Скопското Основно јавно обвинителство поднело обвинителен акт против три лица кои како соизвршители минатата година на почетокот на мај украле кабли од кругот на фабриката „Железара“ во Скопје.
Макпетрол ќе продава поевтини бензини и дизел за два денара по литар од цената што ја соопшти РКЕ
Малопродажните цени на горивата на бензинските станици ќе се продаваат со намалена цена од 2 денaра за литар за Еуросупер БС-95 и за Еуросупер БС-98 во однос на малопродажните цени објавени од Регулаторната комисија за енергетика (РКЕ), соопшти АД Макпетрол.
Државниот завод за ревизија бара да се преиспита распоредувањето на парите за реклами на изборите
ДЗР смета дека распределбата на јавните пари значително ги фаворизира најголемите политички партии