Во Црна Гора во петокот започна дводневен бојкот на трговските синџири поради високите цени, на кој повика невладината организација Алтернатива.
Жителите на Црна Гора се повикуваат да не купуваат во големи продавници во петок и сабота, но доколку мораат, да пазарат во мали продавници со најмногу десет вработени.
„Секојдневно сме сведоци на незапаметени поскапувања на основните производи, додека сопствениците на големи синџири трупаат профити на сметкана народот. Време е да кажеме – доста. Ова е гласот на нароот. Ако не го запреме овој безобразлак сега, утре лебот ќе го плаќаме со злато. Црна Гора се крева против алчноста. Сложно, обединето, истрајна“, соопштија од Алтернатива.
Истата невладина организација минатиот петок организираше бојкот на продавниците во Црна Гора, кога според податоците на црногорската даночна управа, петте најголеми трговски синџири забележаа пад на прометот за 56,14 отсто.
Минатата недела, повеќето жители на северниот дел на Црна Гора се одзваа на повикот за бојкот на големите продавници, додека одзивот беше нешто помал во централниот и јужниот дел на Црна Гора.
Тогаш бојкотот го поддржа и црногорскиот премиер Милојко Спајиќ.
Слични новости
Во Турција уапсени 37 луѓе поради објави на социјаните мрежи за апсењето на Имамоглу
Во Турција се уапсени 37 луѓе кои се сомничат дека на социјалните мрежи објавувале провокативни коменатри за апсењето на градоначалникот на Истанбул Екрем Имамоглу, соопшти денеска министерот за внатрешни работи на Турција Али Јерликаја
Турските власти наредија притвор на градоначалникот на Истанбул
Турските власти наредија притвор на градоначалникот на Истанбул, Екрем Имамоглу, и на стотина други лица, меѓу кои и новинари и еден бизнисмен, како дел од истрагата за корупција
Ден на жалост во Црна Гора, Србија и Бугарија поради трагедијата во Кочани
Во Црна Гора денеска е ден на жалост по трагедијата во Македонија кога во пожар во дискотека во Кочани загинаа 59 млади луѓе, а над 100 се повредени. Во Србија и Бугарија утре ќе биде ден на жалост.