Судот во Рим денеска повторно нареди групата мигранти која е притворена во камповите во Албанија да биде преместена во Италија, наведуваат судски извори, што е најнов удар врз планот на премиерката Џорџа Мелони за сузбивање на илегалната имиграција по морски пат.
Одлуката се однесува на 43 мигранти од Египет и Бангладеш кои неделава беа преместени во Албанија откако беа спасени во Средоземното Море, во последниот обид да се спроведе политика чија валидност веќе беше доведена во прашање од судството.
Италијанската десничарска Влада изгради два објекти во Албанија што треба да ги држат мигрантите таму додека се обработуваат нивните барања за азил. Со последната пресуда, судиите трет пат издаваат наредба да се вратат мигрантите во Италија откако првата група беше однесена во Албанија во октомври минатата година.
Италијанските опозициски партии ја поздравија оваа пресуда, која не оди во прилог на Мелони.
Како што би помислил секој разумен човек, уште една депортација на мигранти во Албанија се сведе на ништо, рече Никола Фратојани, претставник на партијата Зелено-левичарска алијанса.
Слични новости
Турција е подготвена да прифати „некои“ Палестинци ослободени од Израел
Турција е подготвена да прифати „некои Палестинци“ ослободени од Израел според договорот за прекин на огнот меѓу Израел и Хамас, изјави во неделата во Доха турскиот министер за надворешни работи Хакан Фидан
Грција предупредува на зголемена сеизмичка активност на Санторини
Грчките власти ги советуваа жителите на егејскиот остров Санторини да ги затворат училиштата во понеделник, да избегнуваат две мали пристаништа и да се воздржат од собирање во затворени простории по зголемената сеизмичка активност во областа последните денови
Блокадата на мостот Слобода во Нови Сад траеше цела ноќ, студентите спиеја на улица
Студенти на три новосадски факултети во блокада, со поддршка на своите колеги кои пеш пристигнаа од Белград, како и моторџии и граѓани, вчера ги блокираа сите три моста во Нови Сад, на денот кога поминаа три месеци од несреќата кај железничка станица во која загинаа 15 лица